സുഷൗ: ചൈനയിലെ സുഷൗവില് നടക്കുന്ന സുദിര്മാന് കപ്പ് ബാഡ്മിന്റണില് ഇന്ത്യ ഇന്ന് മലേഷ്യക്കെതിരെ മത്സരിക്കും.ഇന്നലെ ഇന്ത്യ 1-4ന് ചൈനീസ് തായ്പേയിയോട് തോറ്റു.
മിക്സഡ് ഡബിള് മത്സരത്തില് ഇന്ത്യന് ജോഡിയായ തനിഷ ക്രാസ്റ്റോ-കെ സായ് പ്രതീക് സഖ്യം 21-18, 24-26, 6-21 എന്ന സ്കോറിന് യാങ് പോ-ഹ്സുവാന്, ഹു ലിംഗ് ഫാങ് സഖ്യത്തോട് തോറ്റു. ലോക 9-ാം നമ്പര് താരം എച്ച്എസ് പ്രണോയ് 19-21, 15-21 എന്ന സ്കോറിന് ലോക അഞ്ചാം നമ്പര് താരം ചൗ ടിയാന് ചെനിനോട് പരാജയപ്പെട്ടു. ആദ്യ രണ്ട് മത്സരങ്ങള് കഴിഞ്ഞപ്പോള് ഇന്ത്യ 0-2 ന് പിന്നിലായി.
പി വി സിന്ധു പിന്നീട് മുന് ലോക ഒന്നാം നമ്പര് താരം തായ് സു യിംഗിനോട് വനിതാ സിംഗി ള്സില് തോറ്റു.
