ന്യൂദല്‍ഹി: മുന്‍ ഉപമുഖ്യമന്ത്രിയും കോണ്‍ഗ്രസ് നേതാവുമായ സച്ചിന്‍ പൈലറ്റ് നടത്തുന്ന ജന്‍സംഘര്‍ഷ് യാത്രയ്‌ക്ക് രാജസ്ഥാനില്‍ തുടക്കമായി. കോണ്‍ഗ്രസ് ദേശീയ നേതൃത്വത്തെ വെല്ലുവിളിച്ചും സംസ്ഥാന സര്‍ക്കാരിനെ വെട്ടിലാക്കിയുമാണ് അജ്മീറില്‍ നിന്ന് ജയ്പൂരിലേക്കുള്ള അഞ്ചു ദിവസത്തെ യാത്ര.
ജവഹര്‍ലാല്‍ നെഹ്റു, ഇന്ദിരാഗാന്ധി, കോണ്‍ഗ്രസ് അധ്യക്ഷന്‍ മല്ലികാര്‍ജ്ജുന്‍ ഖാര്‍ഗെ, മുന്‍ അധ്യക്ഷന്മാരായ സോണിയ, രാഹുല്‍എന്നിവരുടെ ചിത്രങ്ങളും പാര്‍ട്ടി കൊടിയും യാത്രയില്‍ ഉപയോഗിക്കുന്നുണ്ട്. ഒരു വിഭാഗം കോണ്‍ഗ്രസ് പ്രവര്‍ത്തകര്‍ യാത്രയുടെ ഭാഗമായിട്ടുണ്ട്. യാത്ര അഴിമതിക്കെതിരെയാണെന്ന് സച്ചിന്‍ പൈലറ്റ് ഇന്നലെ പ്രതികരിച്ചു.
അതേസമയം യാത്രയുമായി പാര്‍ട്ടിക്ക് ബന്ധമില്ലെന്ന് കോണ്‍ഗ്രസ് സംസ്ഥാന അധ്യക്ഷന്‍ ഗോവിന്ദ് സിങ് ദോത്തസാര വ്യക്തമാക്കി. സച്ചിന്‍ പൈലറ്റിന്റെ വ്യക്തിപരമായ യാത്രയാണെന്നായിരുന്നു അദ്ദേഹത്തിന്റെ പ്രതികരണം.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: