തിരുവനന്തപുരം: കൊല്ലം കൊട്ടാരക്കര താലൂക്ക് ആശുപത്രിയുടെ പുതിയ ബ്ലോക്കിന് ഡോ. വന്ദന ദാസിന്റെ പേര് നല്കുമെന്ന് ആരോഗ്യ വകുപ്പ്. ആരോഗ്യമന്ത്രി വീണാ ജോര്ജ് ഇതുസംബന്ധിച്ച് ആരോഗ്യ വകുപ്പ് ഡയറക്ടര്ക്ക് നിര്ദേശം നല്കി. വന്ദനയോടുള്ള ആദരസൂചകമായാണ് പേര് നല്കുന്നതെന്നു വകുപ്പ് അറിയിച്ചു.
ഇന്നലെ പുലര്ച്ചെ കൊട്ടാരക്കര താലൂക്ക് ആശുപത്രിയില് പോലീസ് വൈദ്യപരിശോധനയ്ക്കെത്തിച്ച അക്രമിയുടെ കുത്തേറ്റാണ് ഹൗസ് സര്ജന് ഡോ. വന്ദന ദാസ് കൊല്ലപ്പെട്ടത്. കോട്ടയം മുട്ടുചിറ നമ്പിച്ചിറക്കാലായില് കെ.ജി.മോഹന്ദാസിന്റെയും വസന്തകുമാരിയുടെയും ഏക മകളാണ് വന്ദന. പോലീസുകാരടക്കം കുത്തേറ്റ അഞ്ചുപേര് ചികിത്സയിലാണ്.
