ന്യൂദല്ഹി: കേരള സ്റ്റോറി വെറും ഒരു സിനിമയല്ലെന്നും പെണ്കുട്ടികളെ വശീകരിച്ച് തീവ്രവാദത്തിലേക്ക് കൊണ്ടുപോകുന്നവരെ തുറന്നുകാട്ടുന്ന സിനിമയാണെന്ന് കേന്ദ്രമന്ത്രി അനുരാഗ് താക്കൂര്.
ഗുരുഗ്രാമില് ഒരു യോഗത്തില് സംസാരിക്കുകയായിരുന്നു അദ്ദേഹം. ചില രാഷ്ട്രീയപ്പാര്ട്ടികള് കേരളാ സ്റ്റോറിയെ എതിര്ക്കുന്നുണ്ട്. കേരള സ്റ്റോറിയെ എതിര്ക്കുന്നവര് പോപ്പുലര് ഫ്രണ്ടിനെയും തീവ്രവാദത്തെയും ഐഎസ്ഐഎസിനെയും പിന്തുണയ്ക്കുന്നവരാണെന്നും അനുരാഗ് താക്കൂര് പറഞ്ഞു.
കോണ്ഗ്രസ് വോട്ട്ബാങ്കിന് വേണ്ടിയും പ്രീണനരാഷ്ട്രീയത്തിന്റെയും ഭാഗമായി ഏതറ്റം വരെയും തരംതാഴുമെന്നും അനുരാഗ് താക്കൂര് പറഞ്ഞു. തീവ്രവദാ ഗൂഢാലോചനയും തീവ്രവാദമെന്ന വൃത്തികെട്ട സത്യവും തീവ്രവാദികളുടെ ഗുഢപദ്ധതികളുടെ തുറന്നുകാട്ടലുമാണ് കേരള സ്റ്റോറീസ്. പക്ഷെ എന്തിനായ് കോണ്ഗ്രസ് കേരള സ്റ്റോറിയെ എതിര്ത്ത് സത്യത്തെ മറച്ചുപിടിക്കാന് ശ്രമിക്കുന്നതെന്നും അനുരാഗ് താക്കൂര് പറഞ്ഞു.
