തിരുവനന്തപുരം: അന്തര്‍ദേശീയ ചെറുധാന്യ വര്‍ഷാഘോഷത്തിന്റെ ഭാഗമായി ഭക്ഷണത്തില്‍ ചെറുധാന്യങ്ങള്‍ക്കുള്ള പ്രാധാന്യത്തെക്കുറിച്ച് അവബോധമുണ്ടാക്കാനായി തിരുവനന്തപുരം ശ്രീകാര്യത്തെ കേന്ദ്ര കിഴങ്ങു വിള ഗവേഷണ സ്ഥാപനത്തില്‍ (സിടിസിആര്‍ഐ) വിവിധ ചെറുധാന്യങ്ങളുടെ മ്യൂസിയം തുടങ്ങി.
ഇതോടനുബന്ധിച്ച് നടന്ന ചടങ്ങില്‍ റാഗി, ചാമ, മണിച്ചോളം, വരഗ്, പനിവരഗ്, തിന, ചാമ, ചാമപൊതവല്‍, കുതിരവാലി, കമ്പം തുടങ്ങിയ ചെറുധാന്യങ്ങളുടെ നടീല്‍ സിടിസിആര്‍ഐ ഡയറക്ടര്‍ ഡോ.ജി. ബൈജു ഉത്ഘാടനം നിര്‍വ്വഹിച്ചു. കിഴങ്ങു വിള ചെറുധാന്യ അധിഷ്ഠിത മൂല്യ വര്‍ദ്ധിത ഉല്‍പന്നമായ ‘മില്‍ട്ടാ’ എന്ന കുക്കീസ് അടുത്ത കാലത്ത് കേന്ദ്ര കിഴങ്ങു വിള ഗവേഷണ സ്ഥാപനം പുറത്തിറക്കിയിരുന്നു. ഇത്തരം കൂടുതല്‍ ഉല്‍പന്നങ്ങളുടെ ഗവേഷണം നടന്നുവരികയാണ്.
പ്രതികരിക്കാൻ ഇവിടെ എഴുതുക: