കോഴിക്കോട്: ഇന്ത്യന് വനിതാ ലീഗ് ഫുട്ബോളില് ഗോകുലം കേരളയെ രാജ്യാന്തര താരം ഡാങ്മി ഗ്രേസ് നയിക്കും. നാളെ അഹമ്മദാബാദിലാണ് ലീഗ് ആരംഭിക്കുന്നത്.
ട്രാന്സ് സ്റ്റേഡിയയില് വൈകിട്ട് 4.30ന് നടക്കുന്ന ഉദ്ഘാടന മത്സരത്തില് മലബാറിയന്സ് ഈസ്റ്റ് ബംഗാളിനെ നേരിടും. ലീഗ്-കം-നോക്കൗട്ട് ഫോര്മാറ്റിലാണ് ടൂര്ണമെന്റ് നടക്കുന്നത്. ഗ്രൂപ്പ് ഘട്ടത്തില് ഏഴ് മത്സരങ്ങളാണ് ഗോകുലം കളിക്കുക. രണ്ട് ഗ്രൂപ്പുകളിലായി നാല് ടീമുകള് നോക്കൗട്ട് ഘട്ടത്തിലേക്ക് കടക്കും.
എട്ട് കേരള താരങ്ങളും മൂന്ന് വിദേശികളും പന്ത്രണ്ട് ഇന്ത്യന് ദേശീയ ടീം താരങ്ങളും അടങ്ങുന്ന ശക്തമായ 27 അംഗ ടീമിനെയാണ് നിലവിലെ ചാമ്പ്യന്മാരായ ജികെഎഫ്സി കളത്തിലിറക്കുന്നത്.
കഴിഞ്ഞ ഐഡബ്ല്യുഎല് ടീമിനെ ജേതാക്കളാക്കിയ ആന്റണി ആന്ഡ്രൂ സാംസണാണ് ടീമിനെ പരിശീലിപ്പിക്കുന്നത്.
