തിരുവനന്തപുരം: ഹിന്ദു ധര്‍മ്മപരിഷദ് നല്‍കുന്ന മൂന്നാമത് പ്രൊഫ. ജി ബാലകൃഷ്ണന്‍ നായര്‍ പുരസ്‌കാരം ചട്ടമ്പിസ്വാമിപഠനങ്ങള്‍ക്കു നല്‍കും. വൈജ്ഞാനിക അദ്ധ്യാത്മിക സാഹിത്യത്തിലെ മികച്ച ഗ്രന്ഥത്തിനു നല്‍കുന്ന ഈ പുരസ്‌കാരം ഈ വര്‍ഷം ഡോ. ഏ.എം ഉണ്ണിക്കൃഷ്ണന്‍ എഡിറ്റു ചെയ്ത ചട്ടമ്പിസ്വാമിപഠനങ്ങള്‍ക്കാണ് ലഭിക്കുക.
പ്രത്യേകം രൂപകല്‍പ്പന ചെയ്ത ഫലകവും പ്രശസ്തിപത്രവും പതിനായിരം രൂപയും അടങ്ങുന്നതാണ് പുരസ്‌കാരം. ചട്ടമ്പിസ്വാമികളുടെ പ്രഭാവവും സ്വാമികള്‍ നിര്‍വ്വഹിച്ച നാനാ മുഖമായ കര്‍മ്മങ്ങളും വിശദവും ആധികാരികവുമായി പ്രകാശിപ്പിക്കുന്നതിലും അവയുടെ അത്യത്ഭുതകരമായ ഫലങ്ങളെ വിശകലനം ചെയ്തവരിപ്പിക്കുന്നതിലും ചട്ടമ്പിസ്വാമി പഠനങ്ങള്‍ പൂര്‍ണമായി വിജയിച്ചിരിക്കുന്നു.
മലയാളത്തില്‍ മാതൃകകളില്ലാത്ത ഈ ബൃഹദ്ഗ്രന്ഥം തയ്യാറാക്കി സമൂഹത്തിന് സമര്‍പ്പിപ്പിച്ചതിലൂടെ ഡോ. ഏ എം ഉണ്ണിക്കൃഷ്ണന്‍ മഹത്തായ സേവനമാണ് നിര്‍വ്വഹിച്ചതെന്ന് പുരസ്‌കാര നിര്‍ണ്ണയ സമിതി വിലയിരൂത്തി. ഏപ്രില്‍ 21ന് വൈകിട്ട് ആറുമണിക്ക് പുത്തരിക്കണ്ടം മൈതാനിയില്‍ നടക്കുന്ന സമ്മേളനത്തില്‍ സ്വാമി ചിദാനന്ദപുരി പുരസ്‌കാരം സമ്മാനിക്കും.
പ്രതികരിക്കാൻ ഇവിടെ എഴുതുക: