ന്യൂദല്ഹി : ഐ സി സി ടി 20 പുരുഷന്മാരുടെ പുതിയ ബാറ്റിംഗ് റാങ്കിംഗില് സൂര്യകുമാര് യാദവ് ഒന്നാം സ്ഥാനത്ത് തുടരുന്നു. 2022 ഒക്ടോബര് മുതല് സൂര്യകുമാര് യാദവാണ് ഒന്നാം സ്ഥാനത്ത്.
സൂര്യകുമാര് 906 പോയിന്റുമായാണ് ഒന്നാം സ്ഥാനത്ത് തുടരുന്നത്. രണ്ടാം സ്ഥാനത്തുളള പാകിസ്ഥാന്റെ മൊഹമ്മദ് റിസ്വാനെക്കാള് (798) 100ലേറെ പോയിന്റുകള്ക്ക് മുന്നിലാണ് ഇന്ത്യന് ബാറ്റര്.
ആദ്യ പത്തില് ഉള്പ്പെട്ട ഏക ഇന്ത്യന് ബാറ്ററാണ് സൂര്യകുമാര് യാദവ്. ഇന്ത്യന് ബാറ്റര്മാരില് വിരാട് കോഹ് ലി 15 ാം സ്ഥാനത്തുണ്ട്.
ബൗളര്മാരില് അര്ഷദീപ് സിംഗാണ് 14ാം സ്ഥാനവുമായി മുന്നിലുളള ഇന്ത്യന് താരം. ഭുവനേശ്വര് കുമാര് ഒരു സ്ഥാനം താഴോട്ടിറങ്ങി 19ാമതാണ്.
ആള്റൗണ്ടര്മാരുടെ പട്ടികയില് ഹാര്ദിക് പാണ്ഡ്യ പട്ടികയില് രണ്ടാമതാണ്. ഷാകിബ് അല് ഹസനാണ് ഒന്നാം സ്ഥാനത്ത്.
