ജയ്പൂര്‍: ജി20 ഉച്ചകോടിയുടെ ഭാഗമായ വിമന്‍സ് 20 (ഡബ്ല്യു20)യുടെ രണ്ടാമത് യോഗം ജയ്പൂരില്‍ ആരംഭിച്ചു. വിവിധ രാജ്യങ്ങളില്‍ നിന്നുള്ള 70 വനിതാ പ്രതിനിധികളാണ് യോഗത്തില്‍ പങ്കെടുക്കുന്നത്. വനിതകളുടെ വികസനം എന്ന ആശയത്തില്‍ നിന്നും വനിതകള്‍ നയിക്കുന്ന വികസനം എന്ന ഭാരതത്തിന്റെ കാഴ്ചപ്പാട് ലോകത്തിന്റെ കണ്ണുതുറപ്പിക്കും എന്ന് വിവിധ രാജ്യങ്ങളില്‍ നിന്നുള്ള പ്രതിനിധികള്‍ അഭിപ്രായപ്പെട്ടു.
ജി20 ഉച്ചകോടിയില്‍ അവതരിപ്പിക്കുന്നതിനായി ഡബ്യു 20 ഉച്ചകോടിയിലേക്കുള്ള അഭിപ്രായങ്ങള്‍, നിര്‍ദേശങ്ങള്‍, കാഴ്ചപ്പാടുകള്‍, പദ്ധതികള്‍ എന്നിവ ഈ സമ്മേളനത്തോടെ രൂപീകരിക്കും. കൃത്യമായ പദ്ധതിയോടു കൂടി സ്ത്രീകളുടെ ഉന്നമനമെന്ന ലക്ഷ്യത്തോടെ പ്രവര്‍ത്തിക്കുന്ന ആദ്യ ഡബ്ല്യു20 ടീം ഭാരതത്തിന്റേതാണെന്ന് അംഗങ്ങള്‍ അഭിപ്രായപ്പെട്ടു. കേരളത്തില്‍ നിന്ന് ഡബ്ല്യു20 കേരള ചാപ്റ്റര്‍ ഹെഡ് ഡോ. ലക്ഷ്മി വിജയന്‍ വി.ടി യോഗത്തില്‍ പങ്കെടുക്കുന്നുണ്ട്. യോഗം ഇന്ന് സമാപിക്കും.
പ്രതികരിക്കാൻ ഇവിടെ എഴുതുക: