ആക്ഷനും റൊമാന്‍സും കലര്‍ന്ന ഫാമിലി എന്‍റര്‍ടെയിന്‍മെന്‍റായ അടിയുടെ ട്രെയിലര്‍ പുറത്ത്. അഹാന കൃഷ്ണയും ഷൈന്‍ ടോം ചാക്കോയും ആദ്യമായി ഒന്നിക്കുന്ന ചിത്രമാണിത്.
സജീവ് എന്ന കഥാപാത്രത്തെ ഷൈന്‍ ടോം ചാക്കോയും ഗീതിക എന്ന പെണ്‍കുട്ടിയെ അഹാനയും അവതരിപ്പിക്കുന്നു. ഒരു രജിസ്റ്റര്‍ ഓഫീസില്‍ വെച്ച് നടക്കുന്ന ഇവരുടെ വിവാഹവും അതിനു പിന്നാലെയുള്ള റൊമാന്‍സുമാണ് ട്രെയിലറില്‍. എന്നാല്‍ പിന്നീട് ഇരുവരും അപ്രതീക്ഷിത സംഭവവികാസങ്ങള്‍ക്ക് സാക്ഷ്യം വഹിക്കുന്നു. സജീവിനെ ഒരു അജ്ഞാതസംഘം പിന്തുടരുന്നു. അടി എന്ന പേര് അന്വര്‍ത്ഥമാക്കും വിധമുള്ള പ്രശ്നങ്ങളാണ് നായികയും നായകനും തുടര്‍ന്ന് അനുഭവിക്കുന്നത്.
പ്രശോഭ് വിജയന്‍ സംവിധാനം നിര്‍വ്വഹിക്കുന്നു. രതീഷ് രവിയുടേതാണ് തിരക്കഥ. ദുല്‍ഖര്‍ സല്‍മാനാണ് ചിത്രം നിര്‍മ്മിക്കുന്നത്. വിഷുവിന്റെ ഭാഗമായി ഏപ്രില്‍ 14ന് ചിത്രം തിയറ്ററുകളില്‍ എത്തും.
പ്രതികരിക്കാൻ ഇവിടെ എഴുതുക