കൊച്ചി : പരാതി നല്‍കിയിട്ട് നടപടി സ്വീകരിച്ചില്ലെന്ന് ആരോപിച്ച് ആലുവ പോലീസ് സ്‌റ്റേഷന് മുന്നിലായി ട്രാന്‍സ്‌ജെന്‍ഡര്‍ യുവതിയുടെ ആത്മഹത്യാ ശ്രമം. അന്നാ രാജു എന്ന യുവതിയാണ് പോലീസ് സ്‌റ്റേഷന് മുന്നിലെ ആല്‍മരത്തില്‍ കയറി ആത്മഹത്യാ ഭീഷണി മുഴക്കിയത്.
കഴിഞ്ഞ മസം 17ന് ഇതര സംസ്ഥാനക്കാരായ ലൈംഗീക തൊഴിലാളികള്‍ അന്നയ്‌ക്ക് നേരേയും മറ്റും ആക്രമണം നടത്തിയിരുന്നു. ഇതിനെതിരെ പരാതി നല്‍കിയിട്ട് നടപടി സ്വീകരിച്ചില്ലെന്ന് ആരോപിച്ച് ബുധനാഴ്ച പുലര്‍ച്ചെ അന്ന ആത്മഹത്യാ ഭീഷണി മുഴക്കുകയായിരുന്നു. ഫയര്‍ഫോഴ്‌സെത്തി ഇവരെ അനുനയിപ്പിച്ച് താഴെയിറക്കി. പിന്നീട് ഇവരെ ആശുപത്രിയിലേക്ക് മാറ്റി.
പ്രതികരിക്കാൻ ഇവിടെ എഴുതുക: