കൊച്ചി: മുന് മന്ത്രിയും കോണ്ഗ്രസ് നേതാവുമായ വി.എസ് ശിവകുമാറിന് എന്ഫോഴ്സ്മെന്റ് ഡയറക്ടറേറ്റ് (ഇഡി) നോട്ടീസ്. ഈ മാസം 20 ന് ചോദ്യം ചെയ്യലിനായി കൊച്ചി ഓഫീസില് ഹാജരാകാനാണ് നിര്ദേശം. അനധികൃത സ്വത്ത് സമ്പാദന കേസില് രേഖകള് ഹാജരാക്കാനും നിര്ദേശം നല്കിയിട്ടുണ്ട്. ശിവകുമാറിന് ബിനാമി ഇടപാടുകളുണ്ടെന്ന് ഇഡി പറയുന്നു.
ആരോഗ്യ-ദേവസ്വം മന്ത്രിയായിരിക്കെ ബിനാമി പേരില് ശിവകുമാര് വരവില് കവിഞ്ഞ സ്വത്ത് സമ്പാദിച്ചതിന്റെ പേരില് നേരത്തെ വിജിലന്സും കേസെടുത്തിരുന്നു. ഇതിന്റെ അടിസ്ഥാനത്തിലാണ് ഇ ഡിയുടെ നീക്കവും. ശിവകുമാറിന്റെ സുഹൃത്തായ രാജേന്ദ്രനും നോട്ടീസ് ലഭിച്ചിട്ടുണ്ട്.
