തൃശൂര്‍: ഹിന്ദു ഐക്യവേദി സംസ്ഥാന സമ്മേളനത്തിന്റെ ഭാഗമായി ഞായറാഴ്ച ഉച്ച മുതല്‍ തൃശൂര്‍ നഗരത്തില്‍ ഗതാഗത നിയന്ത്രണം ഏര്‍പ്പെടുത്തും. ഞായറാഴ്ച ഉച്ചയ്‌ക്ക് മൂന്ന് മുതലാണ് ഗതാഗത നിയന്ത്രണം.
ഞായറാഴ്ച രാവിലെ 10 മുതല്‍ സ്വരാജ് റൗണ്ടില്‍ പാര്‍ക്കിംഗ് അനുവദിക്കില്ല. പാലക്കാട്, പീച്ചി മേഖലയില്‍ നിന്നും വരുന്ന ബസുകള്‍ കിഴക്കേ കോട്ടയില്‍ നിന്ന് ഇക്കണ്ടവാരിയര്‍ റോഡ് വഴി ശക്തനിലെത്തണം. പുത്തൂര്‍, വലക്കാവ് മേഖലകളില്‍ നിന്നു ബസുകള്‍ ഫാത്തിമ നഗര്‍ വഴി ഇക്കണ്ട വാരിയര്‍ റോഡിലൂടെ ശക്തനിലെത്തണം.
വാടാനപ്പള്ളി മേഖലയില്‍ നിന്നും വരുന്ന ബസുകള്‍ പടിഞ്ഞാറേക്കോട്ടയില്‍ ഓട്ടം അവസാനിപ്പിക്കണം. ഇരിങ്ങാലക്കുട മേഖലയില്‍ നിന്നും ബസുകള്‍ കൂര്‍ക്കഞ്ചേരി, ബാല്യ ജംഗ്ഷന്‍ വഴി ശക്തനിലെത്തണം.
മണ്ണൂത്തി ഭാഗത്ത് നിന്നും ബസുകള്‍ കിഴക്കേക്കോട്ട, ചെമ്പൂക്കാവ്, അശ്വിനി വഴി വടക്കേ സ്റ്റാന്‍റിലെത്തണം. ചേലക്കര, വടക്കാഞ്ചേരി മേഖലയില്‍ നിന്നും ബസുകള്‍ പെരിങ്ങാവ്, കോലോത്തുംപാടം വഴി വടക്കേ സ്റ്റാന്‍റിലെത്തണം.
പ്രതികരിക്കാൻ ഇവിടെ എഴുതുക: