കൊച്ചി : ഏകീകൃത കുര്‍ബാന സംബന്ധിച്ച തര്‍ക്കത്തില്‍ സംസ്ഥാന സര്‍ക്കാര്‍ മധ്യസ്ഥത വഹിക്കേണ്ടതില്ല. ഏകീകൃത കുര്‍ബാന സിനഡിന്റൈ തീരുമാനമാണെന്നും സീറോ മലബാര്‍ സഭ ഹൈക്കോടതിയില്‍. സംസ്ഥാന സര്‍ക്കാര്‍ വിഷയത്തില്‍ മധ്യസ്ഥത വഹിക്കണമെന്ന ഹര്‍ജി പരിഗണിക്കണിക്കവേയാണ് ഹൈക്കോടതിയില്‍ അറിയിച്ചത്.
ഏകീകൃത കുര്‍ബാന നടപ്പിലാക്കാന്‍ സിനഡ് ഏകണ്ഠമായി തീരുമാനിച്ചതാണ്. ഇതില്‍ ഇടപെടാന്‍ സംസ്ഥാന സര്‍ക്കാരിനോ, ചീഫ് സെക്രട്ടറിക്കോ മധ്യസ്ഥത വഹിക്കേണ്ട നിയമപരമായ ചുതലകളില്ല. നിലവില്‍ എറണാകുളം- ആങ്കമാല അതിരൂപതയിലെ ചില ഇടവകകള്‍ മാത്രമാണ് വിഷയത്തില്‍ തീരുമാനം കൈക്കൊള്ളാത്തത്.
വിശ്വാസപരമായ കാര്യങ്ങളില്‍ തീരുമാനമെടുക്കാനുള്ള അധികാരം ഭരണഘടനപ്രകാരം സഭയ്ക്കുണ്ട്. മധ്യസ്ഥശ്രമത്തിന് സര്‍ക്കാരിനെയും ഹര്‍ജിയിലെ കക്ഷികളെയും കോടതി നിര്‍ബന്ധിക്കരുത്. ക്രമ സമാധാനം നിലനിര്‍ത്തുന്നതിനുള്ള സര്‍ക്കാരിന്റെ നടപടികളോട് സഭയ്‌ക്ക് എതിര്‍പ്പില്ലെന്നും കര്‍ദിനാള്‍ മാര്‍ ജോര്‍ജ് ആലഞ്ചേരി ഹൈക്കോടതിയില്‍ അറിയിച്ചു.
പ്രതികരിക്കാൻ ഇവിടെ എഴുതുക: