തിരുവനന്തപുരം: കഴിഞ്ഞദിവസം കൊല്ലംറെയില്‍വെസ്‌റ്റേഷനില്‍ ഡിവൈഎഫ്ഐ റെയില്‍വേസ്‌റ്റേഷന്‍ മാര്‍ച്ചില്‍ യാത്രക്കാര്‍ പ്ലാറ്റ്‌ഫോമില്‍ കടക്കുന്നത് തടഞ്ഞത് നിയമവിരുദ്ധമാണ്. സമരം നടത്തിയവര്‍ക്കെതിരെ ശക്തമായ നടപടിയെടുക്കണമെന്ന് പാസഞ്ചേഴ്‌സ് അമിനിറ്റീസ് കമ്മിറ്റി ചെയര്‍മാന്‍ പി.കെ. കൃഷ്ണദാസ് ആവശ്യപ്പെട്ടു.
ദീര്‍ഘദൂരയാത്രക്കാര്‍ക്ക് ട്രെയിന്‍ നഷ്ടമായി. പലര്‍ക്കും യാത്ര മാറ്റിവയ്‌ക്കേണ്ടിവന്നു. നിരവധി യാത്രക്കാര്‍ പരാതി നല്‍കിയിട്ടുണ്ട്. ഇത് ഗുരുതരമായ പ്രശ്‌നമാണ്. സമരം നടത്താന്‍ എല്ലാര്‍ക്കും അനുവാദമുണ്ട്. എന്നാല്‍ അതിന്റെ പേരില്‍ യാത്രചെയ്യാനുള്ള അവകാശം നിഷേധിക്കുന്നത് ശരിയല്ല. ഇത്തരത്തില്‍ സമരം നടത്തിയവര്‍ക്കെതിരെ റെയില്‍വെയും ആര്‍പിഎഫും ശക്തമായ നടപടി സ്വീകരിക്കണം. പി.കെ.കൃഷ്ണദാസ് പറഞ്ഞു.
പ്രതികരിക്കാൻ ഇവിടെ എഴുതുക: