ഇസ്‌ലാമാബാദ്: രാജ്യത്തെ പ്രശ്‌നങ്ങള്‍ പരിഹരിക്കാന്‍ ഇന്ത്യന്‍ പ്രധാനമന്ത്രി നരേന്ദ്ര മോദിയെ പാക്കിസ്ഥാനു ലഭിക്കണമെന്ന് പാക്ക് യുവാവ്. സാമ്പത്തിക പ്രതിസന്ധിയില്‍ പാക്കിസ്ഥാനിലെ ജനം ദുരിതത്തിലാഴുന്ന സമയത്താണ് യുവാവിന്റെ പ്രതികരണം വൈറലായിരിക്കുന്നത്. പാക്കിസ്ഥാനിലെ പ്രമുഖ യൂട്യൂബര്‍കൂടിയായ മാധ്യമപ്രവര്‍ത്തക സന അംജദ് പങ്കുവച്ച വിഡിയോയിലാണ് ഇക്കാര്യം പറയുന്നത്.
ഇന്ത്യയിലേക്കാണെങ്കില്‍ പോലും ജീവനും കൊണ്ട് രക്ഷപ്പെടൂ എന്ന് പറയുന്നത് എന്തുകൊണ്ടാണെന്ന് സന ചോദിച്ച ചോദ്യത്തിന് മറുപാടിയായാണ് യുവാവ് തന്റെ മനസ്സ് തുറന്നത്. നരേന്ദ്ര മോദി പാക്കിസ്ഥാനിലേക്ക് വരണമെന്നാണ് ആഗ്രഹം. ജനം മോദിയെ ബഹുമാനിക്കുന്നു. ഇവിടെ നരേന്ദ്ര മോദിയുണ്ടായിരുന്നെങ്കില്‍ നവാസ് ഷെരിഫിനെയോ ബേനസീര്‍ ബൂട്ടോയെയോ ഇമ്രാനെയോ ആവശ്യമില്ലായിരുന്നുവെന്ന് അദേഹം പറഞ്ഞു.
രാജ്യത്തിന് ഇപ്പോള്‍ വേണ്ടത് നരേന്ദ്ര മോദിയെയാണ്. മോദിക്ക് മാത്രമെ പാക്കിസ്ഥാനിലെ പ്രശ്‌നങ്ങളെ അഭിമുഖീകരിക്കാന്‍ സാധിക്കൂ. ലോകത്തിലെ അഞ്ചാമത്തെ സാമ്പത്തിക ശക്തിയാണ് ഇന്ത്യ. എന്നാല്‍ പാക്കിസ്ഥാന്‍ ഒരിടത്തുമില്ല. പാക്കിസ്ഥാന്‍ ഇന്ത്യയില്‍നിന്നും വിട്ടുപോരാന്‍ പാടില്ലായിരുന്നു. മോദിയുടെ ഭരണത്തിന് കീഴില്‍ ജീവിക്കാന്‍ തയാറാണ്. പാക്കിസ്ഥാന്റെ ഭരണ കര്‍ത്താവായി മോദിയെ ലഭിക്കാന്‍ ദൈവത്തോട് പ്രാര്‍ഥിക്കുകയാണെന്നും യുവാവ് പറഞ്ഞു.
പ്രതികരിക്കാൻ ഇവിടെ എഴുതുക: