ലോക ടൂറിസം കേന്ദ്രമായ എഴുമാന്തുരുത്ത് ഗ്രാമത്തെക്കുറിച്ച് പ്രതിപാദിക്കുകയും, എഴുമാന്തുരുത്ത് ഗ്രാമത്തിന്റെ പ്രകൃതി ഭംഗി പൂര്‍ണ്ണമായി ഒപ്പിയെടുക്കുകയും ചെയ്ത ആദ്യ സിനിമയാണ് രുദ്രന്റെ നീരാട്ട്. തേജസ് ക്രീയേഷന്‍സിന്റെ ബാനറില്‍ ഷാജി തേജസ് രചനയും, സംവിധാനവും നിര്‍വ്വഹിക്കുന്ന ഈ ചിത്രത്തിന്റെ ചിത്രീകരണംഅവസാനഘട്ടത്തിലാണ്. പ്രധാന കഥാപാത്രമായ രുദ്രനായി വേഷമിടുന്നതും സംവിധായകന്‍ ഷാജി തേജസാണ്.
എഴുമാന്തുരുത്ത് കാരനായിരുന്ന ചിത്രത്തിന്റെ ഗാനരചയിതാവായ ബാബു എഴുമാവിന്റെ നിര്‍ദ്ദേശപ്രകാരമാണ്, എഴുമാന്തുരുത്ത് ഗ്രാമം ചിത്രത്തിന്റെ കേന്ദ്ര ബിന്ദുവാകുന്നത്.ബാബു എഴുമാവില്‍, എഴുമാന്തുരുത്ത് ഗ്രാമത്തെ വര്‍ണ്ണിച്ചു കൊണ്ട് ഒരു ഗാനം ചിത്രത്തിനു വേണ്ടി എഴുതുകയും ചെയ്തു. ഗ്രാമത്തിന്റെ ഭംഗി പൂര്‍ണ്ണമായി ഈ ഗാനത്തിന് വേണ്ടി ഒപ്പിയെടുത്തിട്ടുണ്ട്. സമൂഹത്തില്‍ പടര്‍ന്നു പിടിക്കുന്ന ലഹരി ഉപയോഗവും, അതുമൂലമുണ്ടാവുന്ന മൂല്യച്യുതികള്‍ക്കും എതിരെ ശക്തമായ മെസ്സേജ് നല്‍കുകയാണ് ചിത്രം.
കോളേജ് ക്യാമ്പസിലെ കുട്ടികളില്‍ നിന്ന് ഉടലെടുക്കുന്ന ഒരു പകപോക്കലിന്റെ കഥ പറയുകയാണ് ചിത്രം. കുറച്ചു കാലങ്ങള്‍ക്ക് ശേഷം ഏറ്റുമാനൂര്‍ ക്ഷേത്രത്തെക്കുറിച്ച് ഒരു ഗാനം ചിത്രത്തില്‍ ഉള്‍പ്പെടുത്തിയിരിക്കുന്നു. മതമൈത്രിക്ക് കൂടുതല്‍ പ്രാധാന്യം നല്‍കുന്ന ചിത്രം കൂടിയാണ് രുദ്രന്റെ നീരാട്ട്.
തേജസ് ക്രീയേഷന്‍സിന്റെ ബാനറില്‍, ഷാജി തേജസ്, കഥ, തിരക്കഥ, സംഭാഷണം, സംവിധാനം നിര്‍വ്വഹിക്കുന്ന ചിത്രമാണ് രുദ്രന്റെ നീരാട്ട്.ഛായാഗ്രഹണം- തേജസ് ഷാജി, എഡിറ്റിംഗ്- ഷാജി തേജസ് ,ഗാനരചന – ബാബു എഴുമാവില്‍, ഫ്രാന്‍സിസ് മാത്യു, മുരളി കൈമള്‍, ഷാജി തേജസ്, സംഗീതം – രാംകുമാര്‍ മാരാര്‍, ശ്യാം കോട്ടയം, ആലാപനം – ഷിനു വയനാട്, ഋത്വിക് ബാബു, രാംകുമാര്‍ മാരാര്‍, ആര്‍ട്ട് – അജിത് പുതുപ്പള്ളി, പ്രൊഡക്ഷന്‍ കണ്‍ട്രോളര്‍- ജോണി കുറവിലങ്ങാട്, റീറെക്കാര്‍ഡിംഗ് – ജിനീഷ് ജോണ്‍ ഉതുപ്പാന്‍, മേക്കപ്പ് – ലക്ഷ്മണന്‍, വസ്ത്രാലങ്കാരം- പ്രീയ, നിഷ പി.ആര്‍.ഒ- അയ്മനം സാജന്‍
കോഴിക്കോട് നാരായണന്‍ നായര്‍, ഷാജി തേജസ്, ജോണി കുറവിലങ്ങാട്, രാമചന്ദ്രന്‍ പുന്നാത്തൂര്‍, ജോസഫ് പോള്‍, സിംഗല്‍ തന്മയ, അമര്‍നാഥ്, കോട്ടയം പൊന്നു, ജയിംസ് കൊട്ടാരം, ജിജി കലിഞ്ഞാലി, ആരതി ഷാജി, പ്രിയ സതീഷ്, നിഷാ ജോഷി, സുല്‍ത്താന, ബേബി വൈഡ്യൂര്യ, മാസ്റ്റര്‍ ജോര്‍വിന്‍ രഞ്ജിത്ത് എന്നിവര്‍ വേഷമിടുന്നു.
പ്രതികരിക്കാൻ ഇവിടെ എഴുതുക: