കേപ്ടൗണ്: വനിതാ ടി 20 ലോകകപ്പില് ഇംഗ്ലണ്ടിന് തകര്പ്പന് ജയം. ഇന്നലെ ഗ്രൂപ്പ് രണ്ടില് നടന്ന അവസാന മത്സരത്തില് പാക്കിസ്ഥാനെ 114 റണ്സിന് തോല്പ്പിച്ചു. ആദ്യം ബാറ്റ് ചെയ്ത ഇംഗ്ലണ്ട് അഞ്ച് വിക്കറ്റ് നഷ്ടത്തില് 213 റണ്സെടുത്തപ്പോള് പാക്കിസ്ഥാന് 9 വിക്കറ്റ് നഷ്ടത്തില് 99 റണ്സെടുക്കാനേ കഴിഞ്ഞുള്ളൂ. പാക്കിസ്ഥാന് വേണ്ടി 28 റണ്സെടുത്ത തൂബ ഹസ്സനാണ് ടോപ് സ്കോറര്. ഫാത്തിമ സന പുറത്താകാതെ 16ഉം സിദ്ര സമീന് 12ഉം നിദ ദാര് 11ം റണ്സ് നേടി.
ഇംഗ്ലണ്ടിനായി കാതറീന് സ്കീവര്, ചാര്ളി ഡീന് എന്നിവര് രണ്ട് വിക്കറ്റുകള് വീതം വീഴ്ത്തി. നേരത്തെ 40 പന്തില് നിന്ന് പുറത്താകാതെ 81 റണ്സെടുത്ത നാറ്റ് സ്കീവറിന്റെയും 33 പന്തില് നിന്ന് 59 റണ്സെടുത്ത ഡാനി വ്യാറ്റിന്റെയും 31 പന്തില് നിന്ന് 47 റണ്സെടുത്ത ആമി ജോണ്സിന്റെയും കരുത്തിലാണ് ഇംഗ്ലണ്ട് 213 റണ്സ് അടിച്ചുകൂട്ടിയത്.ഇംഗ്ലണ്ടാണ് ഗ്രൂപ്പ് ചാമ്പ്യന്മാര്. ഇന്ത്യ രണ്ടാമതും.
