ഹരിപ്പാട്: എസ്എഫ്ഐ വനിതാ നേതാവിനെ ഡിവൈഎഫ്ഐ ബ്ലോക്ക് നേതാവ് ബൈക്കിന് ഇടിച്ചു വീഴ്ത്തിയ ശേഷം ക്രൂരമായി മർദ്ദിച്ചു. കേരള സര്വകലാശാല യൂണിയന് വൈസ് ചെയര്പേഴ്സണ് കൂടിയായ ചിന്നുവിനാണ് മര്ദ്ദനമേറ്റത്.
തിങ്കളാഴ്ച വൈകിട്ട് 5.15 ഓടെ കുമാരപുരത്തു മുണ്ടൊലി അമ്പലത്തിനു സമീപമായിരുന്നു സംഭവം. എസ് എഫ് ഐ ഹരിപ്പാട് ഏരിയാ കമ്മിറ്റി അധ്യക്ഷ ചിന്നു സുഹൃത്തിനൊപ്പം ബൈക്കിൽ പോകുമ്പോഴായിരുന്നു ആക്രമണം. മർദ്ദനത്തിനിടയിൽ അപസ്മാരം ബാധിച്ച ചിന്നു റോഡിൽ കുഴഞ്ഞുവീണുവെന്ന് ഒപ്പമുണ്ടായിരുന്ന സുഹൃത്ത് വിഷ്ണു പറയുന്നു.
തലയ്ക്കും ദേഹത്തും മുറിവേറ്റ ചിന്നു ഹരിപ്പാട് താലൂക്ക് ആശുപത്രിയില് ചികിത്സ തേടി. ഡി.വൈ.എഫ്.ഐ നേതാവിനെതിരെ ചിന്നുവും ഏതാനും പെണ്കുട്ടികളും സി.പി.എം ഏരിയ നേതൃത്വത്തിനും ഡി.വൈ.എഫ്.ഐ ജില്ലാ കമ്മിറ്റിക്കും പരാതി നല്കിയിരുന്നു. ഈ പരാതിയില് ഡി.വൈ.എഫ്.ഐ നിയോഗിച്ച കമ്മീഷന് അന്വേഷണം നടത്തി വരുന്നതിനിടെയായിരുന്നു ആക്രമണം. സംഭവത്തില് പോലീസ് ഇതുവരെയും കേസെടുത്തിട്ടില്ല. ചിന്നു പരാതി നല്കിയിട്ടില്ലെന്ന് പോലീസ് അറിയിച്ചു.
വനിതാ എസ് ഐ ആശുപത്രിയിലെത്തി പെൺകുട്ടിയെ കണ്ടുവെന്നും കേസിന് താത്പര്യമില്ലെന്ന് പെൺകുട്ടി അറിയിച്ചുവെന്നുമാണ് സിഐ പറയുന്നത്.
