തിരുവനന്തപുരം : ലൈഫ് മിഷന് കോഴക്കേസില് ഇഡിയുടെ നടപടികള് കേന്ദ്ര ഏജന്സിയുടെ വിശ്വാസ്യതയുടെ അരക്കെട്ടുറപ്പിക്കുന്നതാണെന്ന് കേന്ദ്രന്ത്രി വി. മുരളീധരന്. കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കരന് അറസ്റ്റിലായതിന് പിന്നാലെ ഫേസ്ബുക്ക് പോസ്റ്റിലൂടെയാണ് കേന്ദ്രമന്ത്രിയുടെ ഈ പ്രതികരണം.
അഴിമതിയും കള്ളപ്പണ ഇടപാടും നടത്തുന്നവര് എത്ര ഉന്നതരായാലും അഴിയെണ്ണും എന്ന നരേന്ദ്രമോദി സര്ക്കാരിന്റെ നിലപാട് വ്യക്തമാക്കുന്ന നടപടി കൂടിയാണിത്. കേസ് എവിടെപ്പോയി, ഇടനിലക്കാര് ധാരണയാക്കിയില്ലേ എന്ന് ചോദിച്ചവര്ക്ക് ഇപ്പോള് ഉത്തരമായി എന്ന് കരുതുന്നു. തന്റെ വിശ്വസ്തന്റെ നേതൃത്വത്തില് നടന്ന കോഴ ഇടപാടില് പിണറായി വിജയനും പങ്കുണ്ട്. അല്ലെങ്കില് തന്റെ സര്ക്കാരിന് കീഴില് നടക്കുന്ന കാര്യങ്ങളെക്കുറിച്ചൊന്നും അറിയാത്ത പമ്പര വിഡ്ഢിയും കഴിവുകെട്ടവനുമായ ഭരണാധികാരിയാണ് പിണറായി വിജയനെന്നും കേന്ദ്രമന്ത്രി വിമര്ശിച്ചു.
