കോട്ടയം: മുഖ്യമന്ത്രി പിണറായി വിജയന് വഴിയൊരുക്കാന്‍ റോഡ് തടഞ്ഞ് ജനങ്ങള്‍ക്ക് ബുദ്ധിമുട്ട് സൃഷ്ടിച്ചത് വാര്‍ത്ത ആയതിനെ തുടര്‍ന്ന് പോലീസിനോട് റിപ്പോര്‍ട്ട് തേടി കോടതി. കുറവിലങ്ങാട് എസ്എച്ച്ഒയെ വിളിച്ചുവരുത്തിയാണ് പാലാ ജുഡീഷ്യല്‍ മജിസ്‌ട്രേട്ട് കോടതി റിപ്പോര്‍ട്ട് തേടിയത്.
വെള്ളിയാഴ്ചയാണ് റിപ്പോര്‍ട്ട് ചോദിച്ചത് സംബന്ധിച്ചുള്ള സംഭവം ഉണ്ടായത്. പാലായിലാണ് വാഹനങ്ങള്‍ തടഞ്ഞത്. മജിസ്‌ട്രേട്ടിന്റെ വാഹനങ്ങള്‍ ഉള്‍പ്പെടെ അപകടത്തില്‍പ്പെടും വിധമായിരുന്നു അകമ്പടി വാഹനങ്ങള്‍ പോയത്. സാധാരണക്കാര്‍ക്ക് റോഡിലൂടെ യാത്ര ചെയ്യേണ്ടേയെന്നും കോടതി ചോദിച്ചു. ജനദ്രോഹ ബജറ്റ് പ്രഖ്യാപനത്തെ തുടര്‍ന്ന് വ്യാപക പ്രതിഷേധം ഉയരുന്നു എന്ന് കാണിച്ചാണ് സുരക്ഷ കര്‍ശനമാക്കിയത്.
പ്രതികരിക്കാൻ ഇവിടെ എഴുതുക: