.തിരുവനന്തപുരം:സിനിമക്കാര്‍ക്ക് നേരെ ഇത്രയും രാഷ്‌ട്രീയ പകയോ എന്ന് കണ്ട് സഖാവ് എം.എ. ബേബിയും ഞെട്ടി. ഇടത് പക്ഷ സര്‍ക്കാരിനെ കടുത്ത ഭാഷയില്‍ വിമര്‍ശിക്കുന്ന ഹരീഷ് പേരടി നായകനാകുന്ന ദാസേട്ടന്റെ സൈക്കിള്‍ എന്ന സിനിമയുടെ പോസ്റ്റര്‍ പങ്കുവെച്ചതാണ് ബേബി സഖാവിന് വിനയായത്.
അവിടുന്നങ്ങോട്ട് സൈബർ സഖാക്കള്‍ എം.എ. ബേബിയെ ശരിയ്‌ക്കും പഞ്ഞിക്കിട്ടു. ട്രോളുകളും അതിരൂക്ഷവിമര്‍ശനങ്ങളുമായി പിന്നീടങ്ങോട്ട് ബേബിയുടെ ഈ പോസ്റ്റ് എയറിലായിരുന്നു. ലേശമെങ്കിലും ഉളുപ്പുണ്ടോ സഖാവേ എന്നായിരുന്നു ഒരു കമന്‍റ്. ഇനി ജോയ് മാത്യുവിന്റെ പോസ്റ്റര്‍ കൂടി പങ്കുവെച്ചോളൂ എന്നായിരുന്നു മറ്റൊരു കമന്‍റ്. സിപിഎമ്മിനെ രൂക്ഷമായി വിമർശിക്കുന്ന ഹരീഷ് പേരടിയുടെ സിനിമയുടെ പോസ്റ്റർ ഷെയർ ചെയ്തതാണ് സൈബര്‍ സഖാക്കളെ ചൊടിപ്പിച്ചത്.
അഖിൽ കാവുങ്ങൽ സംവിധാനം ചെയ്ത് ഹരീഷ് പേരടി നിര്‍മ്മിക്കുന്ന ‘ദാസേട്ടന്റെ സൈക്കിൾ’ എന്ന സിനിമയില്‍ മുഖ്യവേഷവും കൈകാര്യം ചെയ്യുന്നത് ഹരീഷ് പേരടി തന്നെ.
പ്രതികരിക്കാൻ ഇവിടെ എഴുതുക: