കൊല്ലം : ഗവേഷണ പ്രബന്ധം കോപ്പിയടിച്ചെന്ന ആരോപണങ്ങള്‍ക്ക് പിന്നാലെ യുവജന കമ്മിഷന്‍ അധ്യക്ഷ ചിന്ത ജെറോമിനെതിരെ വീണ്ടും വിവാദം. കൊല്ലത്തെ ആഢംബര ഹോട്ടലില്‍ ഒന്നേമുക്കാല്‍ വര്‍ഷത്തോളം ചിന്ത കുടുംബത്തോടൊപ്പം താമസിച്ചെന്നാണ് പുതിയ വിവാദം. ഇതുമായി ബന്ധപ്പെട്ട് ചിന്തയുടെ സാമ്പത്തിക സ്രോതസ്സ് സംബന്ധിച്ചും അന്വേഷണം നടത്തണമെന്നും യൂത്ത്‌കോണ്‍ഗ്രസ് ആവശ്യപ്പെട്ടിട്ടുണ്ട്.
കൊല്ലം തങ്കശ്ശേരിയിലെ ഫോര്‍ സ്റ്റാര്‍ ഹോട്ടലില്‍ മൂന്ന് മുറികളുള്ള അപാര്‍ട്‌മെന്റിലാണ് ചിന്താ ജെറോമും കുടുംബവും ഒന്നേമുക്കാല്‍ വര്‍ഷം താമസിച്ചത്. പ്രതിദിനം എണ്ണായിരത്തി അഞ്ഞൂറ് രൂപയാണ് ഈ അപാര്‍ട്‌മെന്റിന്റെ വാടക. ഇക്കണക്കില്‍ 38 ലക്ഷത്തോളം രൂപയാണ് വാടക ഇനത്തില്‍ മാത്രം ഹോട്ടലിനായി നല്‍കേണ്ടി വന്നത്. ഇത്രയും തുക യുവജനബ കമ്മിഷന്‍ അധ്യക്ഷയ്‌ക്ക് എവിടന്നു കിട്ടി സാമ്പത്തിക സ്രോതസ്സ് വ്യക്തമാക്കണമെന്നും ചൂണ്ടിക്കാട്ടി യൂത്ത് കോണ്‍ഗ്രസ് സംസ്ഥാന സെക്രട്ടറി വിഷ്ണു സുനില്‍ പന്തളം, വിജിലന്‍സിനും എന്‍ഫോഴ്‌സ്‌മെന്റ് ഡയറക്ട്രേറ്റിലും പരാതി നല്‍കിയിട്ടുണ്ട്.
അതേസമയം അമ്മയുടെ ആയുര്‍വേദ ചികിത്സയ്‌ക്കായാണ് താല്‍ കൊല്ലത്തെ ഹോട്ടലില്‍ തങ്ങിയതെന്നാണ് ചിന്താ ജെറോം പ്രതികരിച്ചിരിക്കുന്നത്. 2021-2022 കാലയളവിലാണ് ഒന്നേ മുക്കാല്‍ കൊല്ലത്തോളം സ്റ്റാര്‍ ഹോട്ടലില്‍ ചിന്ത താമസിച്ചത്. അമ്മയുടെ ചികിത്സയ്‌ക്കായാണ് ഇവിടെ തങ്ങിയത്. അമ്മയുടെ ആയുര്‍വേദ ചികിത്സയുടെ ഭാഗമായാണ് ഇത്. എന്നാല്‍ കൊടുത്ത വാടകയുടെ കണക്ക് യൂത്ത് കോണ്‍ഗ്രസ് പറയുന്നത് പോലെയല്ല. പ്രതിമാസം ഇരുപതിനായിരം രൂപ മാത്രമാണ് മാസ വാടകയായി നല്‍കിയതെന്നുമാണ് ചിന്തയുടെ വാദഗതികള്‍.
പ്രതികരിക്കാൻ ഇവിടെ എഴുതുക: