ഭോപ്പാല്: ന്യൂമോണിയ മാറാന് മന്ത്രവാദ ചികിത്സയ്ക്ക് വിധേയമാക്കിയ കുഞ്ഞ് മരിച്ചു. മൂന്ന് മാസം പ്രായമുള്ള പെണ്കുഞ്ഞാണ് മരിച്ചത്. ഇരുമ്പ് ദണ്ഡുകൊണ്ട് വയറ്റില് 51 തവണയാണ് പൊള്ളലേല്പ്പിച്ചത്. മധ്യപ്രദേശിലെ ഗോത്രവർഗ്ഗക്കാർ കൂടുതലായി താമസിക്കുന്ന ഷാഹ്ദോലിലാണ് സംഭവം.
ഗുരുതരമായി പൊള്ളലേറ്റ കുഞ്ഞ് പതിനഞ്ച് ദിവസത്തോളം ആശുപത്രിയില് ചികിത്സയില് കഴിഞ്ഞിരുന്നതായി റിപ്പോര്ട്ടുകളുണ്ട്. ഗോത്രവര്ഗങ്ങള് താമസിക്കുന്ന പ്രദേശത്ത് ന്യുമോണിയ മാറാന് ഇരുമ്പ് ദണ്ഡുകൊണ്ട് പൊള്ളിക്കാറുണ്ട്. മൃതദേഹം സംസ്കരിച്ചിട്ടുണ്ടെങ്കിലും പുറത്തെടുത്ത് പോസ്റ്റ്മോര്ട്ടം നടത്തുമെന്ന് അധികൃതര് അറിയിച്ചു.
ഇരുമ്പ് ദണ്ഡ്കൊണ്ട് പൊള്ളലേൽപ്പിക്കരുതെന്ന് അമ്മയോട് പ്രദേശത്തെ അങ്കണവാടി അധ്യാപിക ഇവരോട് പറഞ്ഞെങ്കിലും കൂട്ടാക്കാൻ തയാറായില്ല. മധ്യപ്രദേശിലെ ആദിവാസി മേഖലകളിൽ ഇത്തരം ചികിത്സകൾ വ്യാപകമാണ്.
