കൊടുങ്ങല്ലൂര്‍: കൊടുങ്ങല്ലൂരിലെ പ്രശസ്തമായ കുരുംബ ഭഗവതിക്ഷേത്രത്തിന്റെ മൂലവിഗ്രഹം തകര്‍ത്തു. ഇന്നു പുലര്‍ച്ചെ നാലരയോടെയാണ് സംഭവം. വിഗ്രഹം തകര്‍ത്തയാളെ പോലീസ് പിടികൂടി. പ്രധാന അമ്പലത്തില്‍ നിന്നു 200 മീറ്റര്‍ അകലെയുള്ള മൂലപ്രതിഷ്ഠയാണ് തകര്‍ത്തത്. തിരുവനന്തപുരം സ്വദേശിയായ രാമചന്ദ്രന്‍ എന്നയാളാണ് വിഗ്രഹം തകര്‍ത്തതെന്നാണ് പോലീസ് നല്‍കുന്ന വിവരം. ഇയാള്‍ക്ക് മാനസികാസ്വാസ്ഥ്യം ഉള്ളതായും പറയപ്പെടുന്നുണ്ട്.
എന്നാല്‍, ഇയാള്‍ മൂന്നു ദിവസമായി ക്ഷേത്രത്തിനു സമീപത്തെ ലോഡ്ജില്‍ മുറിയെടുത്തു താമസിച്ചുവരികയായിരുന്നു. ഈ ദിവസങ്ങളില്‍ എല്ലാം ഇയാള്‍ ക്ഷേത്രത്തില്‍ അതിക്രമിച്ചുകയറാന്‍ ശ്രമിക്കുകയും ജീവനക്കാരുമായി വാക്കേറ്റം ഉണ്ടാവുകയും ചെയ്തിരുന്നു. അതിനാല്‍ ക്ഷേത്രത്തിന് കൃത്യമായ സുരക്ഷ ഒരുക്കാന്‍ പോലീസോ അധിധാരികളോ തയാറായില്ലെന്ന് നാട്ടുകാര്‍ ആരോപിച്ചു. വിഗ്രഹം തകര്‍ത്തതില്‍ പ്രതിഷേധിച്ച് കൊടുങ്ങല്ലൂര്‍ താലൂക്കില്‍ ഹിന്ദുഐക്യ വേദി ഇന്ന് ഹര്‍ത്താലിന് ആഹ്വനം ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക