തിരുവനന്തപുരം: യേശുദാസ് ഡാലസിലായതിനാല്‍ പരിപാടിക്ക് വരാന്‍ കഴിഞ്ഞില്ല എന്ന അനൗണ്‍സ്മെന്‍റ് ചിലര്‍ തെറ്റിദ്ധരിച്ചത് വലിയ വ്യാജപ്രചാരണത്തിന് കാരണമായി. ഡാലസ് എന്നത് ചിലര്‍ കേട്ടത് ഡയാലിസിസ് എന്നാണ്. ഇതോടെ വാര്‍ത്ത പരന്നു. ഗായകന്‍ യേശുദാസ് ഡയാലിസിസിലാണ്.
യേശുദാസ് കഴിഞ്ഞ ഏതാനും ആഴ്ചകളായി തങ്ങുന്നത് അമേരിക്കയിലെ ടെക്സസിലെ നഗരമായ ഡാലസിലാണ്.. മൂന്നാമത്തെ മകന്‍ വിശാലിന്റെ വീട്ടിലാണ് യേശുദാസ്. യേശുദാസിന്റെ പിറന്നാള്‍ ദിനത്തില്‍ മകന്‍ വിജയ് യേശുദാസ് കേരളത്തില്‍ സംഘടിപ്പിച്ച പരിപാടിക്ക് യേശുദാസിന് എത്താന്‍ കഴിഞ്ഞിരുന്നില്ല. ഈ പരിപാടിക്കിടെയാണ് അനൗണ്‍സ്മെന്‍റില്‍ യേശുദാസ് ഡാലസിലായതിനാല്‍ പരിപാടിക്ക് വരാന്‍ കഴിഞ്ഞില്ല എന്ന അനൗണ്‍സ്മെന്‍റ് ഉണ്ടായത്. ഇതാണ് പലരും തെറ്റിദ്ധരിച്ച് വാട്സാപിലൂടെയും സമൂഹമാധ്യമങ്ങളിലൂടെയും യേശുദാസ് ഡയാലിസിസിലായതിനാല്‍ വരാന്‍ കഴിഞ്ഞില്ല എന്ന് പ്രചരിപ്പിച്ചത്.
അന്നത്തെ പരിപാടിക്ക് യേശുദാസ് ഡാലസില്‍ നിന്നും ഓണ്‍ലൈനായി സ്ക്രീനില്‍ എത്തിയെങ്കിലും വ്യാജപ്രചാരണം നടത്തിയവരുടെ ശ്രദ്ധയില്‍ ഇതൊന്നും പെട്ടിരുന്നില്ല.
പ്രതികരിക്കാൻ ഇവിടെ എഴുതുക: