പത്തനംതിട്ട: മാളികപ്പുറത്തിന്റെ വിജയത്തിന് നന്ദി പറയാന് മകരവിളക്ക് ദിനത്തില് അയ്യപ്പസന്നിധിയില് എത്തിയിരിക്കുകയാണ് ഉണ്ണി മുകുന്ദന്. മകരവിളക്ക് ദിനമായ ജനവരി 14 തന്റെ ജീവിതത്തില് മറക്കാനാവാത്ത ദിവസമാണെന്നും ഉണ്ണി മുകുന്ദന് ഫേസ്ബുക്ക് പോസ്റ്റില് പറയുന്നു.
“ഇന്ന് ജനുവരി 14. ഈ ദിവസത്തിന് എന്റെ ജീവിതത്തിൽ ഒരുപാട് പ്രാധാന്യം ഉണ്ട്. ഞാൻ ആദ്യമായി ഒരു സിനിമയിൽ അഭിനയിക്കാനായി ക്യാമറയ്ക്ക് മുന്നിൽ നിന്നത് ഒരു ജനുവരി 14 ന് ആയിരുന്നു. അതുപോലെ എന്റെ ആദ്യ നിർമാണ സംരംഭം എന്ന നിലയിലും ഒരു ആക്ടർ എന്ന തരത്തിൽ എനിക്ക് ഒരു നാഴികകല്ലായും, നിരവധി അവാർഡുകളടക്കം കരസ്ഥമാക്കുന്നതിനും കാരണമായി മാറിയ നിങ്ങൾ നെഞ്ചിലേറ്റി വിജയിപ്പിച്ച മേപ്പടിയാൻ റിലീസ് ആയതും കഴിഞ്ഞ ജനുവരി 14 ന് ആയിരുന്നു”- മകരവിളക്ക് ദിനമായ ജനവരി 14ന്റെ പ്രത്യേകതകള് ഉണ്ണി മുകുന്ദന് ഫേസ്ബുക്ക്പോസ്റ്റില് പറയുന്നു.
“വീണ്ടും ഒരു ജനുവരി 14. ഈ മകരവിളക്ക് ദിനത്തിൽ എന്റെ കരിയറിലെ ഏറ്റവും വലിയ ബ്ലോക്ക് ബസ്റ്റർ ആയി തിയേറ്ററിൽ ഓടിക്കൊണ്ടിരിക്കുന്ന മാളികപ്പുറത്തിന്റെ വിജയത്തിന് നന്ദി പറയാനും തിരുവിതാംകൂർ ദേവസ്വം ബോർഡിന്റെ ആദരവ് ഏറ്റുവാങ്ങാനുമായി ഞാൻ സന്നിധാനത്ത് അയ്യന്റെ അടുത്താണ് ഉള്ളത്.” – ഉണ്ണി മുകുന്ദന് പറയുന്നു.
“മേപ്പടിയാനിൽ ഒരു അയ്യപ്പ ഭക്തിഗാനം പാടാനുള്ള സൗഭാഗ്യം തേടിയെത്തിയപ്പോൾ പിന്നീട് എന്നെ തേടിയെത്തിയത് അയ്യപ്പനായി തന്നെ അഭിനയിക്കാനുള്ള നിയോഗമായിരുന്നു.
ഇനിയുള്ള എല്ലാ മകരവിളക്ക് ദിനങ്ങളും എന്റെ ജീവിതത്തിലെ ഓരോ നാഴികക്കല്ലുകളായി മാറട്ടെ എന്ന് മാത്രം ഞാൻ അയ്യപ്പസ്വാമിയോട് പ്രാർത്ഥിക്കുന്നു”- ഉണ്ണി മുകുന്ദന് കുറിയ്ക്കുന്നു. ഉണ്ണി മുകുന്ദന്റെ ഫേസ്ബുക്ക് പോസ്റ്റ് കാണാം:
റിലീസ് ചെയ്ത് ഏതാനും ദിവസങ്ങള്ക്കുള്ളില് 25 കോടി നേടിക്കഴിഞ്ഞ മാളികപ്പുറം അന്യഭാഷകളില് വിതരണത്തിന് അവകാശം നല്കിയ ഇനത്തിലും നല്ലൊരു തുക നേടിക്കഴിഞ്ഞു. വിതരണത്തിന് അവകാശം നല്കിയ ഇനത്തിലും നല്ലൊരു തുക നേടിക്കഴിഞ്ഞു. തെലുങ്കിലെ ഡബ്ബിംഗ് പ്രിന്റിന്റെ വിതരണാവകാശം നേടിയത് അല്ലു അര്ജുന്റെ കമ്പനിയാണ്.
