തിരുവനന്തപുരം : സര്‍വ്വകലാശാല ചാന്‍സലര്‍ ബില്ലില്‍ ഒപ്പിടാതെ ഗവര്‍ണര്‍ ആരിഫ് മുഹമ്മദ് ഖാന്‍. വിശദമായി പരിശോധിച്ച ശേഷം നടപടി സ്വീകരിക്കാനാണ് ഗവര്‍ണറുടെ തീരുമാനം. എന്നാല്‍ കഴിഞ്ഞ സഭ സമ്മേളനത്തില്‍ പാസ്സാക്കിയ 16 ബില്ലുകളിലെല്ലാം ഗവര്‍ണര്‍ ഒപ്പുവെച്ചിട്ടുണ്ട്.
14 സര്‍വകലാശാലകളുടെയും ചാന്‍സലര്‍ സ്ഥാനത്ത് നിന്നും ഗവര്‍ണറെ മാറ്റുന്നതാണ് ബില്‍. രാജ്ഭവനിലേക്ക് അയച്ചതില്‍ ചാന്‍സിലര്‍ ബില്‍ മാത്രമാണ് ഗവര്‍ണര്‍ ഒപ്പുവെയ്‌ക്കാത്തത്. വിദ്യാഭ്യാസം കണ്‍കറന്റ് പട്ടികയില്‍ ഉള്ളതിനാല്‍ സംസ്ഥാനത്തിന് മാത്രം തീരുമാനമെടുക്കാനാകില്ല. ഇത് രാഷ്‌ട്രപതിക്ക് ഗവര്‍ണര്‍ അയച്ചാലും തീരുമാനമെടുക്കുന്നതില്‍ കാലതാമസമുണ്ടാകും.
ചാന്‍സലര്‍ സ്ഥാനത്ത് നിന്ന് തന്നെ മാറ്റുന്ന ബില്ലില്‍ അതിവേഗം തീരുമാനമില്ലെന്നും നേരത്തെ ആരിഫ് മുഹമ്മദ് ഖാന്‍ വ്യക്തമാക്കിയതാണ്. നിയമോപദേശത്തിന് ശേഷം ഭരണഘടനാ വിദഗ്ധരുമായും കൂടിയാലോചന നടത്തിയാകും തീരുമാനം കൈക്കൊള്ളുക.
പ്രതികരിക്കാൻ ഇവിടെ എഴുതുക: