എന്തു നല്ല വ്യക്തിത്വം;വല്‍സന്‍ തില്ലങ്കേരിക്കൊപ്പമുള്ള ചിത്രം പങ്കുവച്ച് ഉണ്ണി മുകുന്ദന്‍;മാളികപ്പുറത്തിന്റെ കേരളത്തിന്പുറത്തെ റിലീസ് ഉടനെന്ന് താരം

തിരുവനന്തപുരം: ഹിന്ദു ഐക്യവേദി സംസ്ഥാന വര്‍ക്കിങ് പ്രസിഡന്റ് വല്‍സന്‍ തില്ലങ്കേരിക്കൊപ്പമുള്ള ചിത്രം പങ്കുവച്ച് നടന്‍ ഉണ്ണി മുകുന്ദന്‍. തന്റെ സൂപ്പര്‍ ഹിറ്റ് ചിത്രം മാളികപ്പുറത്തിന്റെ കോഴിക്കോട്- കണ്ണൂര്‍ പ്രമോഷന്‍ യാത്രയ്‌ക്കിടെ വല്‍സന്‍ തില്ലങ്കേരി ഏട്ടനെ കണ്ടുമുട്ടിയെന്നും അദ്ദേഹം എന്തു നല്ല വ്യക്തിത്വമാണെന്നും ഉണ്ണി ഫേസ്ബുക്ക് പോസ്റ്റില്‍ കുറിച്ചു. കണ്ണൂരും കോഴിക്കോട്ടും വിസ്മയിപ്പിക്കുന്ന ആളുകളാണ് ഉണ്ടായിരുന്നത്. നല്ല ഭക്ഷണവും ഒരുപാട് സ്‌നേഹവും.കേരളത്തിലുടനീളം ഞങ്ങളുടെ സിനിമ വളരെയധികം ഇഷ്ടപ്പെടുകയും അംഗീകരിക്കപ്പെടുകയും ചെയ്തു എന്നറിഞ്ഞതില്‍ സന്തോഷം. മാളികപ്പുറത്തിന്റെ കേരളത്തിനു പുറത്തെ റിലീസ് ഉടനുണ്ടാകുമെന്നും മറ്റുഭാഷാപതിപ്പുകളും പണിപ്പുരയിലാണെന്നും താരം വ്യക്തമാക്കി.