കൊച്ചി: പുതുവത്സരത്തിന് കത്തിക്കാനായി ഒരുക്കിയ പാപ്പാഞ്ഞിക്ക് പ്രധാനമന്ത്രിയുടെ മുഖച്ഛായ ഉണ്ടെന്ന വിവാദത്തില്‍ പ്രതിഷേധം ശക്തമായതോടെ നടപടിയുമായി കൊച്ചിന്‍ കാര്‍ണിവല്‍ കമ്മിറ്റി. പാപ്പാഞ്ഞിക്ക് പ്രധാനമന്ത്രിയുടെ മുഖച്ഛായ വന്നതില്‍ കാര്‍ണിവല്‍ കമ്മിറ്റി ക്ഷമ ചോദിച്ചു. .സംഭവത്തില്‍ ബിജെപിയുടെ പ്രതിഷേധം ശക്തമായതോടെ പാപ്പാഞ്ഞിയെ മാറ്റി നിര്‍മ്മിക്കുമെന്നും കമ്മിറ്റി അറിയിച്ചു. പ്രധാനമന്ത്രിയുടെ മുഖച്ഛായയില്‍ നിര്‍മ്മിച്ച പാപ്പാഞ്ഞിയുടെ മുഖം മാറ്റി നിര്‍മ്മിക്കുമെന്ന് കൊച്ചിന്‍ കാര്‍ണിവല്‍ കമ്മിറ്റി വ്യക്തമാക്കി.
ഡിസംബര്‍ 31ന് അര്‍ദ്ധരാത്രി കത്തിക്കുന്നതിനായി ഫോര്‍ട്ട് കൊച്ചി പരേഡ് ഗ്രൗണ്ടില്‍ തയ്യാറാക്കിയ പാപ്പാഞ്ഞിയാണ് വിവാദമായത്. പ്രധാനമന്ത്രിയെ മനഃപൂര്‍വ്വം അപമാനിക്കാന്‍ ശ്രമിക്കുന്നതിന്റെ ഭാഗമായാണ് പാപ്പാഞ്ഞിയുടെ മുഖത്തിന് മോദിയുടെ ഛായ കൊണ്ടുവന്നതെന്നായിരുന്നു ബിജെപിയുടെ ആരോപണം. തുടര്‍ന്ന് ബിജെപി പ്രവര്‍ത്തകര്‍ പ്രതിഷേധവുമായി രംഗത്തെത്തുകയായിരുന്നു. മണ്ഡലം കമ്മിറ്റി ഭാരവാഹികളടക്കം സ്ഥലത്തെത്തി പ്രതിഷേധമറിയിച്ചു. ഇതോടെ പാപ്പാഞ്ഞിയുടെ നിര്‍മാണം നിര്‍ത്തിവയ്‌ക്കുകയായിരുന്നു. നിലവിലെ പാപ്പാഞ്ഞിക്ക് പുതിയ മുഖം തയ്യാറാക്കുമെന്നും കാര്‍ണിവല്‍ കമ്മിറ്റി ഉറപ്പുനല്‍കി.
പ്രതികരിക്കാൻ ഇവിടെ എഴുതുക: