കോഴിക്കോട്: സന്തോഷ് ട്രോഫി ഫുട്‌ബോളില്‍ റൗണ്ട് ഒന്നില്‍ ആന്ധ്രപ്രദേശിനെതിരെ മിസോറമിന് തിളക്കമാര്‍ന്ന ജയം. ഏകപക്ഷീയമായ മൂന്ന് ഗോളുകള്‍ക്കാണ് മിസോറം ജയിച്ചത്. മിസോറമിന് വേണ്ടി ലാല്‍വന്‍ ഹിമ രണ്ട് ഗോളും മല്‍സാമീല ഒരു ഗോളും നേടി.
കോഴിക്കോട് കോര്‍പ്പറേഷന്‍ സ്റ്റേഡിയത്തില്‍ കളിയുടെ ആധിപത്യം മിസോറമിനായിരുന്നു. ആദ്യപകുതിയുടെ 26-ാം മിനിറ്റില്‍ ലക്ഷ്യം കണ്ടു. മുന്നേറ്റനിരയിലെ മല്‍സാമീലയാണ് ആദ്യഗോള്‍ നേടിയത്. മിസോറാമിന്റെ പ്രതിരോധ നിരയില്‍ വിള്ളലുണ്ടാക്കാന്‍ ആന്ധ്രാപ്രദേശിന്റെ മുന്‍നിരയ്‌ക്ക് കഴിഞ്ഞില്ല.
രണ്ടാം പകുതിയുടെ 82-ാം മിനിറ്റില്‍ മുന്നേറ്റ നിരയിലെ ലാല്‍വന്‍ ഹിമ മനോഹരമായ ഗോളിലൂടെ മിസോറാമിന്റെ ലീഡ് ഉയര്‍ത്തി (2-0). കളി അവസാനിക്കാന്‍ മിനിറ്റുകള്‍ ശേഷിക്കെയാണ് ലാന്‍വന്‍ ഹിമ മൂന്നാം ഗോളും തന്റെ പേരില്‍ രണ്ടാം ഗോളും നേടിയത്.
പ്രതികരിക്കാൻ ഇവിടെ എഴുതുക: