നൂറ് ശതമാനം സസ്പെന്സ്, നൂറ് ശതമാനം റോഡ് മൂവി എന്ന ടാഗ് ലൈനോടെ, പ്രേക്ഷകര്ക്ക് ദൃശ്യവിരുന്നുമായി എത്തുകയാണ് ഹാഷ്ടാഗ് അവള്ക്കൊപ്പം എന്ന ചിത്രം. എ.യു.ശ്രീജിത്ത് കൃഷ്ണ സംവിധാനം ചെയ്യുന്ന ഈ ചിത്രം ഡിസംബര് 30-ന് തന്ത്രമീഡിയ തീയേറ്ററിലെത്തിക്കും.
കാര് യാത്രയില് ഒരു സംവിധായകന്റെ സിനിമാ സ്വപ്നങ്ങളില് സംഭവിക്കുന്ന ഭീതി പടര്ത്തുന്ന സംഭവപരമ്പരകളുടെ ദൃശ്യാവിഷ്ക്കാരമാണ് ഈ ചിത്രം. കേരള കര്ണാടക ബോര്ഡറില് ഉള്ള ഒരു കൊടുംകാട്ടില് അകപ്പെടുന്ന സംവിധായകനും സംഘവും, യക്ഷിയെപ്പോലെ തോന്നിപ്പിക്കുന്ന വെള്ള വസ്ത്രമുടുത്ത ഒരു പെണ്കുട്ടിയെ കാണുന്നു. കന്നട സംസാരിക്കുന്ന സുന്ദരിയായ പെണ്കുട്ടി പെട്ടന്ന് തന്നെ ഒരു സുഹൃത്താകുന്നു. അവളും അവരോടൊപ്പം കാറില് യാത്ര ചെയ്യുന്നു. പിന്നീട് അദ്ഭുത സംഭവപരമ്പരകളാണ് ഓരോ നിമിഷവും കടന്നു വന്നത്! ഈ സംഭവപരമ്പരകള് പ്രേക്ഷകരിലും അദ്ഭുതവും, ഞെട്ടലും ഉണ്ടാക്കും .
ഹൊറര്, സസ്പെന്സ് ചിത്രമായ ഹാഷ്ടാഗ് അവള്ക്കൊപ്പത്തില്, കന്നട നായികയായ ബ്യന്ദകൃഷ്ണയാണ് നായിക. കാട്ടിലെ സുന്ദരിയായി കന്നട ഭാഷയിലാണ് ഇവര് സംസാരിക്കുന്നത് എന്നത് ഒരു പ്രത്യേകതയാണ്.
നാല് മികച്ച ഗാനങ്ങള് ചിത്രത്തിലുണ്ട്. ജാസി ഗിഫ്റ്റ്, അരിസ്റ്റോ സുരേഷ്, ജയേഷ് സ്റ്റീഫന്, ലേഖ ആര്.നായര് എന്നിവരാണ് ആലാപനം. കൃപാനിധി സിനിമാസിന്റെ ബാനറില്, ജിജിത്. എ.യു നിര്മ്മിക്കുന്ന ഈ ചിത്രത്തിന്റെ ക്യാമറ നിര്വഹിക്കുന്നത്- രാരീഷ്. ഗാനരചന- ഫാത്തിമത് തമീമ, അരിസ്റ്റോ സുരേഷ്, ജയേഷ് സ്റ്റീഫന്, എ.യു. ശ്രീജിത്ത് കൃഷ്ണ, സംഗീതം, പശ്ചാത്തല സംഗീതം – ജയേഷ് സ്റ്റീഫന്, എഡിറ്റിങ് – ജോമിന്, പിആര്ഒ- അയ്മനം സാജന്, അരിസ്റ്റോ സുരേഷ്, ബ്യന്ദ കൃഷ്ണ ,സേതുലക്ഷ്മി അമ്മ , സജിന് വര്ഗ്ഗീസ്, ഷീന് കിരണ്,ഷാജി ജോണ്, ഹരിദാസ്, വിപിന്, ഗൗരി എന്നിവര് അഭിനയിക്കുന്നു.
