കണ്ണൂര്: വിദ്യാര്ത്ഥിനിയെ പീഡിപ്പിച്ച കേസില് മദ്രസ അധ്യാപകന് 26 വര്ഷം കഠിനതടവും 76000 രൂപ പിഴയും. ഉദയഗിരി സ്വദേശിയായ കക്കാട്ട്പറമ്പില് കെ.വി. മുഹമ്മദ് ഷാഫി(36) എന്ന മദ്രസ അധ്യാപകനാണ് പോക്സോ അതിവേഗ കോടതി ഈ ശിക്ഷ നല്കിയത്.
പോക്സോ അതിവേഗ കോടതി ജഡ്ജിയായ സി. മുജീബ് റഹ്മാനാണ് ഈ വിധി പുറപ്പെടുവിച്ചത്. നാല് വകുപ്പുകളിലായാണ് 26 വര്ഷം തടവും 76000 രൂപ പിഴയും ശിക്ഷയായി വിധിച്ചത്. പ്രോസിക്യൂഷന് വേണ്ടി അഡ്വ. ഷെറിമോള് ജോസാണ് ഹാജരായത്.
2017ല് മദ്രസയിലെ വിദ്യാര്ത്ഥിനിയായ 12 വയസ്സുകാരിയെ അധ്യാപകനായ മുഹമ്മദ് ഷാഫി നിരന്തരം പീഡിപ്പിച്ചിരുന്നു. ഈ പരാതിയില് വളപട്ടണം പൊലീസ് കേസെടുത്ത് അന്വേഷണം നടത്തി. അന്വേഷണത്തില് പീഢനം നടത്തിയെന്ന് ബോധ്യമായതിനെ തുടര്ന്ന് ഇദ്ദേഹത്തെ പോക്സോ കേസില് അറസ്റ്റ് ചെയ്യുകയായിരുന്നു.
