കുട്ടനാട് : രക്താര്ബുദ രോഗബാധിതയായ ശ്രീകലയുടെ ജീവന് രക്ഷിക്കാന് സുമനസ്സുകളുടെ കനിവ് തേടി കുടുംബം. കാവാലം പടനിലം വീട്ടില് ജനീഷ് കുമാറിന്റെ ഭാര്യ ശ്രീകല(38)യ്ക്കായാണ് തുടര് ചികിത്സയ്ക്കായി സഹായം തേടുന്നത്. അസ്ഥിമജ്ജയില് രക്താര്ബുദത്തെ തുടര്ന്ന് തിരുവനന്തപുരം ആര്സിസിയില് ചികിത്സയിലാണ് ശ്രീകല.
മജ്ജ മാറ്റിവെയ്ക്കല് അടക്കമുള്ള തുടര് ചികിത്സകള്ക്കായി 20 ലക്ഷം രൂപയിലധികം ആവശ്യമുണ്ട്. സാമ്പത്തികമായി പിന്നാക്കം നില്ക്കുന്ന ഈ കുടുംബത്തിന് ഇത് താങ്ങാനാകുന്നതല്ല. ഇവരുടെ അവസ്ഥ കണ്ടറിഞ്ഞ് ജനപ്രതിനിധികളും പൊതുപ്രവര്ത്തകരും ധനസമാഹരണത്തിനായി ശ്രമിക്കുന്നുണ്ടെങ്കിലും ഭാരിച്ച ചെലവ് ഇനിയും കണ്ടെത്തേണ്ടതുണ്ട്.
ചങ്ങനാശ്ശേരിയിലെ ഫൂട്വെയര് ഷോപ്പ് ജീവനക്കാരനായ ജനീഷാണ് ശ്രീകലയ്ക്കൊപ്പം ആശുപത്രിയില് നില്ക്കുന്നത്. അതിനാല് ജനീഷിന് ജോലിക്ക് പോകാനും സാധിക്കുന്നില്ല. കുടുംബാംഗങ്ങളുടേയും സുഹൃത്തുക്കളുടേയും സഹായത്തോടെയാണ് നിലവില് ആശുപത്രി ചെലവുകളും നടത്തുന്നത്. ജനീഷ്- ശ്രീകല ദമ്പതികളുടെ മക്കള്ക്ക് ആറും നാലും വയസ് പ്രായമാണുള്ളത്. ആര്സിസി മെഡിക്കല് ഓഫീസര് ഇന്ചാര്ജ് ഡോ. ജോര്ജ് എബ്രഹാം, ഡോ. ശ്രീജിത്ത് നായര് എന്നിവരുടെ കീഴിലാണ് ശ്രീകലയുടെ ചികിത്സ. സുമനസ്സുകളുടെ സഹായമുണ്ടെങ്കില് മാത്രമേ ശ്രീകലയ്ക്കിനി തുടര് ചികിത്സ സാധ്യമാകൂ. ജനീഷ് കുമാറിന്റെ പേരില് എസ്ബിഐ ശാഖയിലുള്ള 67093338181 എന്ന അക്കൗണ്ട് നമ്പറിലേക്ക് സഹായധനം അയയ്ക്കാവുന്നതാണ്. ഐഎഫ്എസ്സി കോഡ് എസ്ബിഐഎന്0070229 ഫോണ്: 9947948587
