ന്യൂദല്‍ഹി: അരുണാചലിലെ തവാങ്ങില്‍ ചൈനീസ് പട്ടാളം ഇന്ത്യന്‍ പട്ടാളക്കാരെ തല്ലുന്നുവെന്ന് പ്രസ്താവന നടത്തുക വഴി ഇന്ത്യന്‍ സേനയുടെ ആത്മവിശ്വാസം തകര്‍ത്ത രാഹുല്‍ഗാന്ധിയെ കോണ്‍ഗ്രസില്‍ നിന്നും പുറത്താക്കണമെന്ന് ബിജെപി.
“ഇന്ത്യയെ താഴ്‌ത്തിക്കെട്ടുകയും സൈന്യത്തിന്റെ മനോവീര്യം തകര്‍ക്കുകയും ചെയ്യുന്ന പരാമര്‍ശമാണ് രാഹുല്‍ ഗാന്ധി നടത്തിയത്. പ്രതിപക്ഷ പാര്‍ട്ടികള്‍ രാജ്യത്തിനൊപ്പം നില്‍ക്കുന്നുവെങ്കില്‍ കോണ്‍ഗ്രസ് അധ്യക്ഷന്‍ മല്ലികാര്‍ജ്ജുന്‍ ഖാര്‍ഗെ രാഹുല്‍ ഗാന്ധിയെ പുറത്താക്കണം”. – ബിജെപി നേതാക്കള്‍ ആവശ്യപ്പെട്ടു.
ഭാരത് ജോഡോ യാത്രയ്‌ക്കിടെ കഴിഞ്ഞ ദിവസം ജയ്പൂരില്‍ നടത്തിയ വാര്‍ത്താസമ്മേളനത്തിലാണ് രാഹുല്‍ഗാന്ധിയുടെ പരാമര്‍ശം. ചൈന യുദ്ധത്തിനൊരുങ്ങുകയാണെന്നും കേന്ദ്രസര്‍ക്കാര്‍ ഉറക്കത്തിലാണെന്നും രാഹുല്‍ കുറ്റപ്പെടുത്തിയിരുന്നു.
പ്രതികരിക്കാൻ ഇവിടെ എഴുതുക: