ആലപ്പുഴ: കുട്ടനാട് എംഎല്‍എ തോമസ് കെ. തോമസിനെതിരേ പരാതി നല്‍കിയ എന്‍സിപി വനിതാ നേതാവ് ജിഷക്കെതിരേയും കേസെടുത്ത് പോലീസ്. തന്നെയും ഭാര്യയെയും എന്‍സിപി വനിതാ നേതാവ് അധിക്ഷേപിച്ചതായി എംഎല്‍എ നല്‍കിയ പരാതിയിലാണ് നടപടി.
അതേസമയം എന്‍സിപി യോഗത്തിന് മുമ്പേ എംഎല്‍എ തന്നെ അസഭ്യം പറഞ്ഞതായാണ് ജിഷ പോലീസിന് നല്‍കിയ പരാതിയില്‍ പറയുന്നത്. പാര്‍ട്ടി അംഗമല്ലാതിരുന്ന ഷേര്‍ളി വേദിയില്‍ ഇരിക്കുന്നത് ചോദ്യം ചെയ്തതിനെ തുടര്‍ന്നാണ് ഇത്. പുറത്തുള്ളവര്‍ വേദി വിടണമെന്ന് ആവശ്യപ്പെട്ടപ്പോള്‍ എംഎല്‍എ തന്റെ ജാതിപ്പേര് വിളിച്ച് അധിക്ഷേപിക്കുകയും ചുമലില്‍ പിടിച്ച് തള്ളി. മര്‍ദ്ദിക്കാന്‍ തുടങ്ങിയപ്പോള്‍ മറ്റുള്ളവര്‍ പിടിച്ചു മാറ്റിയെന്നുമാണ് ജിഷയുടെ മൊഴിയില്‍ പറയുന്നത്.
കഴിഞ്ഞദിവസം ഹരിപ്പാട് നടന്ന എന്‍സിപി. യോഗത്തിലാണ് ഇത്തരത്തില്‍ നാടകീയസംഭവങ്ങള്‍ അരങ്ങേറിയത്. ഇതിനെതിരെ ജിഷ പരാതിയുമായി പോലീസിനെ സമീപിക്കുകയായിരുന്നു. പിന്നാലെ ജിഷക്കെതിരേ എംഎല്‍എയും ജില്ലാ പോലീസ് മേധാവിക്ക് പരാതി നല്‍കി.
പ്രതികരിക്കാൻ ഇവിടെ എഴുതുക: