കൊച്ചി: ‘ഷെഫീക്കിന്റെ സന്തോഷം’ എന്ന സിനിമയില് അഭിനയിച്ചതിന് തനിക്ക് പ്രതിഫലം തന്നില്ലെന്ന ബാലയുടെ പരാതിയെ പൊളിയ്ക്കുന്ന വീഡിയോ പുറത്ത് വിട്ട് ഉണ്ണി മുകുന്ദന്. ‘ഷെഫീക്കിന്റെ സന്തോഷം’ എന്ന സിനിമയെക്കുറിച്ച് ബാല സംസാരിക്കുന്ന പഴയ വിഡിയോയാണ് പുറത്ത് വിട്ടിരിക്കുന്നത്. ബാലയുടെ എല്ലാ ന്യായീകരണങ്ങളും പൊളിക്കുന്നതാണ് ഈ വീഡിയോ. ഇതോടെ ബാലയ്ക്ക് ന്യായീകരണങ്ങള് ഇല്ലാതാവുകയാണ്. ഈ സിനിമയില് അഭിനയിക്കാന് തീരുമാനിച്ചതെന്തുകൊണ്ടാണെന്ന് ബാല വെളിപ്പെടുത്തുന്നതാണ് വിഡിയോയില് കാണാം.
ബാലയുടെ വാക്കുകള്:
” ഞാന് ഒരു സിനിമ നിര്മിച്ചപ്പോള് നീയൊരു വാക്കുപോലും എന്നോട് ചോദിച്ചില്ല. കഥാപാത്രത്തെക്കുറിച്ച് ഒന്നും ചോദിക്കാതെ വന്ന് അഭിനയിച്ചു. നീ പ്രൊഡ്യൂസ് ചെയ്യുമ്പോള് ഞാനും അങ്ങനെ വരും. ഇത് ഞാന് നിനക്കു വേണ്ടി ചെയ്യും എന്ന് പറഞ്ഞു.
ഉണ്ണി ഒരു നായകനായതുകൊണ്ടല്ല, നല്ല മനുഷ്യനായത് കൊണ്ടാണ്, ഒരു നല്ല മനസ് ഉള്ളത് കൊണ്ടാണ് ഞാന് ഉണ്ണിയുടെ സിനിമയില് അഭിനയിക്കുന്നത്. ഉണ്ണി അഭിനയിക്കുന്ന സിനിമയുടെ സെറ്റില് വന്നപ്പോഴുണ്ടായ അനുഭവവും ഞാന് ഓര്ക്കുന്നു. എന്റെ കയ്യില് പിടിച്ച് ഉണ്ണി പറഞ്ഞു, “നിങ്ങളെപ്പോലുള്ള ആളുകള് സിനിമയില് തിരിച്ചുവരണം.’ ആ നല്ല മനസ് സിനിമ ഇന്ഡസ്ട്രിയില് കുറച്ച് പേര്ക്കേ ഉള്ളൂ.”
