തിരുവനന്തപുരം: ജൂനിയര്‍ പെണ്‍കുട്ടികളുടെ ഷോട്ട്പുട്ടില്‍ മൂന്നാം സ്ഥാനം കാഞ്ഞിരംകുളം പികെഎസ് എച്ച്എസ്എസിലെ പ്ലസ് ടു വിദ്യാര്‍ത്ഥിനി ലിബ്‌ന എ ബിക്ക്.
അമരവിള എല്‍എംഎസ് എച്ച്എസ്എസിന് എതിര്‍വശത്ത് തട്ടുകട നടത്തുന്ന, നെയ്യാറ്റിന്‍കര അമരവിള ചെമ്മണ്ണുവിള എബി നിവാസില്‍ അജയമോഹനകുമാര്‍, ബിന്ദു ദമ്പതികളുടെ മകളാണ് ലിബ്‌ന. ഷോട്ട്പുട്ടില്‍ ത്രോസിന് മതിയായ പരിശീലനം ലഭിച്ചിരുന്നുവെങ്കില്‍ ഒന്നാമതെത്തുമായിരുന്നു എന്ന് ലിബ്‌ന പറയുന്നു.
കായികാധ്യാപകന്‍ ജി എസ് സുബിനാണ് സ്‌കൂളിലെ പരിമിതികളില്‍ നിന്നുകൊണ്ട് ലിബ്‌നയ്‌ക്ക് ഷോട്ട്പുട്ടില്‍ പരിശീലനം നല്‍കിയത്. പ്ലസ് ടു വിദ്യാര്‍ത്ഥി ആയതിനാല്‍ ഇനി ഒരു സംസ്ഥാന സ്‌കൂള്‍ കായികമേളകളില്‍ പങ്കെടുക്കാന്‍ കഴിയില്ല എന്ന ദുഃഖവും ലിബ്‌നയ്‌ക്കുണ്ട്.
പ്രതികരിക്കാൻ ഇവിടെ എഴുതുക: