ഷൈന്‍ ടോം ചാക്കോ, ബിനു പപ്പു, സംവിധായകന്‍ എം.എ. നിഷാദ് തുടങ്ങിയവരെ പ്രധാന കഥാപാത്രങ്ങളാക്കി ബെസ്റ്റ് വേ എന്റര്‍ടൈയ്ന്‍മെന്റിന്റെ ബാനറില്‍ അനൂജ് ഷാജി നിര്‍മിച്ച് സോഹന്‍ സീനുലാല്‍ സംവിധാനം ചെയ്യുന്ന ‘ഭാരത് സര്‍ക്കസ്’ എന്ന ചിത്രത്തിന്റെ ആദ്യ വീഡിയോ ഗാനം റിലീസായി.
പിഎന്‍ആര്‍ കുറുപ്പ് എഴുതിയ വരികള്‍ക്ക് ബിജിബാല്‍ ഈണം നല്കി പുഷ്പദാസ് കടവന്ത്ര ആലപിച്ച ‘പുലയാടി മക്കളെ… എന്നാരംഭിക്കുന്ന ഗാനമാണ് റീലിസായത്. തൃശൂര്‍,ചാലക്കുടി,ആതിരപ്പളളി എന്നിവിടങ്ങളിലായി ചിത്രീകരണം പൂര്‍ത്തിയായ ഭാരത് സര്‍ക്കസ് ‘ ഡിസംബര്‍ ഒമ്പതിന് തിയ്യേറ്ററിലെത്തും.
സുധീര്‍ കരമന, ജാഫര്‍ ഇടുക്കി, പ്രജോദ് കലാഭവന്‍, സുനില്‍ സുഖദ,ജയകൃഷ്ണന്‍, പാഷാണം ഷാജി, ആരാധ്യ ആന്‍, മേഘാ തോമസ്സ്, ആഭിജ, ദിവ്യാ നായര്‍, മീരാ നായര്‍, സരിത കുക്ക, അനു നായര്‍, ജോളി ചിറയത്ത്, ലാലി പി.എം. തുടങ്ങിയവരാണ് മറ്റു പ്രമുഖ താരങ്ങള്‍.
മുഹാദ് വെമ്പായം രചന നിര്‍വ്വഹിക്കുന്ന ഈ ചിത്രത്തിന്റെ ഛായാഗ്രഹണം ബിനു കുര്യന്‍ നിര്‍വ്വഹിക്കുന്നു. സംഗീതം- ബിജി ബാല്‍, എഡിറ്റര്‍- വി.സാജന്‍, പ്രൊഡക്ഷന്‍ കണ്‍ട്രോളര്‍- ദീപക് പരമേശ്വരന്‍, പിആര്‍ഒ- എ.എസ് ദിനേശ്.
പ്രതികരിക്കാൻ ഇവിടെ എഴുതുക