കരുനാഗപ്പള്ളി: ഫിഫ വേള്ഡ് കപ്പ് ഖത്തര് 2022ന് വിസിലടി ഉയര്ന്നപ്പോള്, കരുനാഗപ്പള്ളി എക്സൈസ് റേഞ്ച് ഓഫീസിലെ വിമുക്തി ലൈബ്രറിയുടെ നേതൃത്വത്തില് മയക്കുമരുന്നിനെതിരെ ഗോള്ചലഞ്ച്. രണ്ടുകോടി ഗോളടിക്കാന് കേരളം എന്ന മുദ്രാവാക്യവുമായി കരുനാഗപ്പള്ളി എക്സൈസ് റേഞ്ച് ഓഫീസില് പെനാല്റ്റി ഗോള്പോസ്റ്റ് തയ്യാറാക്കിയിരിക്കുകയാണ്.
പ്രധാന മത്സരങ്ങളുടെ ലൈവ് ചിത്രീകരണം എല്ഇഡി വാലൂടെ കാണിക്കും വിദ്യാര്ഥികളെയും യുവജനങ്ങളെയും കായിക ലഹരിയിലേക്ക് ആകര്ഷിക്കാന് വേണ്ടിയാണ് റേഞ്ച് ഓഫീസില് വിമുക്തി ലൈബ്രറിയുടെ ആഭിമുഖ്യത്തില് ഗോള് ചലഞ്ച് സംഘടിപ്പിക്കുന്നത്.
കരുനാഗപ്പള്ളി താലൂക്കിലെ എല്ലാ വിദ്യാലയങ്ങളിലെയും വിദ്യാര്ഥികളെ ഗോള് ചലഞ്ചില് പങ്കെടുപ്പിച്ചുകൊണ്ടാണ് പരിപാടി ആസൂത്രണം ചെയ്തിരിക്കുന്നത്. ലോകകപ്പില് കളിക്കുന്ന മിക്ക രാജ്യങ്ങളിലെ കളിക്കാരുടെ ചിത്രങ്ങള് അടങ്ങിയ ബോര്ഡുകളും രാജ്യങ്ങളുടെ കൊടിയും റേഞ്ച് ഓഫീസിനു മുന്നില് അലങ്കരിച്ചിട്ടുള്ളതായി ലൈബ്രറി ഭാരവാഹികള് അറിയിച്ചു.
