കൊല്ലം: ഫുട്‌ബോള്‍ ലഹരിയില്‍ നഗരവീഥികളെ വര്‍ണാഭമാക്കി ഫുട്‌ബോള്‍ പ്രചരണ വിളംബര റാലികള്‍. ഫുട്‌ബോള്‍ ക്ലബ്ബുകള്‍, ഫാന്‍സ് അസോസിയേഷനുകള്‍, കായിക സംഘടനകള്‍, യുവജനങ്ങള്‍, കായികതാരങ്ങള്‍, സാമൂഹിക സാംസ്‌കാരിക സംഘടനകള്‍ എന്നിവര്‍ അണിനിരന്ന് കെഎസ്ആര്‍ടിസി ബസ് സ്റ്റാന്‍ഡ് പരിസരത്ത് നിന്നാരംഭിച്ച വിളംബര റാലി മേയര്‍ പ്രസന്ന ഏണസ്റ്റ് ഫ്‌ളാഗ് ഓഫ് ചെയ്തു.
‘ഖല്‍ബില്‍ ഖത്തര്‍’ വിശേഷണത്തോടെ ലോകകപ്പ് ഫുട്‌ബോള്‍ സമാപനം വരെ കോര്‍പ്പറേഷനും ജില്ലാ സ്‌പോര്‍ട്‌സ് കൗണ്‍സിലും സംയുക്തമായി ലാല്‍ ബഹദൂര്‍ ശാസ്ത്രി സ്റ്റേഡിയത്തില്‍ ബിഗ് സ്‌ക്രീനില്‍ ഫുട്‌ബോള്‍ പ്രദര്‍ശനവും മറ്റു മത്സരങ്ങളും നടത്തുമെന്ന് സ്‌പോര്‍ട്‌സ് കൗണ്‍സില്‍ പ്രസിഡന്റ് ജില്ലാ പ്രസിഡന്റ് എക്‌സ്. ഏണെസ്റ്റ് അറിയിച്ചു.
ജില്ലാ യുവജന കേന്ദ്രത്തിന്റെ ആഭിമുഖ്യത്തില്‍ ലോകകപ്പ് ഫുട്‌ബോള്‍ പ്രചരണാര്‍ത്ഥം സംഘടിപ്പിച്ച വിളംബര ഘോഷയാത്ര ജില്ലാ പഞ്ചായത്ത് പ്രസിഡന്റ് അഡ്വക്കേറ്റ് സാം. കെ. ഡാനിയല്‍ ഫ്‌ളാഗ് ഓഫ് ചെയ്തു. ബീച്ചില്‍ സമാപിച്ച ഘോഷയാത്രയില്‍ ഫുട്‌ബോള്‍ പ്രേമികളും വിവിധ കായിക താരങ്ങളുംപങ്കെടുത്തു.
പ്രതികരിക്കാൻ ഇവിടെ എഴുതുക: