തിരുവനന്തപുരം: ഇ-പോസ് മെഷീനിലെ സാങ്കേതിക തകരാറുകാരണം കഴിഞ്ഞ രണ്ട് ദിവസങ്ങളിലായി സംസ്ഥാനത്ത് ചിലയിടങ്ങളില്‍ റേഷന്‍ വിതരണം ഭാഗീകമായി തടസം നേരിട്ടിരുന്നത് പൂര്‍ണമായും പരിഹരിക്കപ്പെട്ടതായി ഭക്ഷ്യ പൊതുവിതരണ വകുപ്പ് മന്ത്രി ജി. ആര്‍. അനില്‍ അറിയിച്ചു.
ഹൈദരാബാദ് എന്‍.ഐ.സി യിലെ ആധാര്‍ ഓതന്റിക്കേഷന്‍ സെര്‍വറിലെ സാങ്കേതിക തടസമാണ് റേഷന്‍ വിതരണത്തില്‍ ഭാഗീക തടസമുണ്ടാകാന്‍ കാരണമായത്. പ്രശ്‌നം പരിഹരിച്ച് റേഷന്‍ വിതരണം സംസ്ഥാനത്ത് പൂര്‍ണതോതില്‍ നടന്നുവരുന്നതായും മന്ത്രി അറിയിച്ചു. ഇന്നലെ 5,39,016 റേഷന്‍ കാര്‍ഡുടമകള്‍ റേഷന്‍ വിഹിതം കൈപ്പറ്റിയെന്നും വ്യക്തമാക്കി. ഇന്ന് വൈകിട്ട് ആറുമണിവരെ നാലു ലക്ഷത്തോളം റേഷന്‍ കാര്‍ഡ് ഉടമകള്‍ തങ്ങളുടെ റേഷന്‍ വിഹിതം കൈപ്പറ്റിയിട്ടുണ്ടെന്നും മന്ത്രി പറഞ്ഞു.
പ്രതികരിക്കാൻ ഇവിടെ എഴുതുക: