മെല്‍റ്റ് വാട്ടര്‍ ചെസില്‍ പ്രഗ്നാനന്ദയ്‌ക്കും എരിഗെയ്സിക്കും ആദ്യകളിയില്‍ തോല്‍വി; മാഗ്നസ് കാള്‍സന്‍ മുന്നില്‍

ന്യൂയോര്‍ക്ക്: മെല്‍റ്റ് വാട്ടര്‍ ചെസില്‍ ആദ്യ റൗണ്ടില്‍ ഇന്ത്യന്‍ താരങ്ങളായ പ്രഗ്നാനന്ദയ്‌ക്കും അര്‍ജുന്‍ എരിഗെയ്സിക്കും തോല്‍വിയോടെ തുടക്കം.  

അസര്‍ബൈജാന്റെ ഷഖ്രിയാര്‍ മാമെഡയറോവുമായി പ്രഗ്നാനാനന്ദ പൊരുതി തോല്‍ക്കുകയായിരുന്നു. നാല് ഗെയിമുകളില്‍ മൂന്നാമത്തേതില്‍ വിജയിച്ചെങ്കിലും രണ്ട് ജയവും ഒരു സമനിലയും വഴി 2.5-1.5 പോയിന്‍റുകള്‍ക്ക് ഷഖ്രിയാര്‍ വിജയിച്ചു.  

അര്‍ജുന്‍ എരിഗെയ്സി  പോളണ്ടിന്റെ ജന്‍ ക്രിസ്റ്റൊഫ് ഡുഡയുമായുള്ള മൂന്ന് ഗെയിമുകള്‍ നീണ്ട മത്സരത്തില്‍ രണ്ട് തോല്‍വിയും ഒരു സമനിലയും ഏറ്റുവാങ്ങി (2.5-0.5)  

മാഗ്നസ് കാള്‍സ് വെസ്ലി സോയെ നാല് ഗെയിം മത്സരത്തില്‍ 2.5-1.5 ല്‍ തോല്‍പിച്ച് മുന്നിട്ട് നില്‍ക്കുന്നു.