തിരുവനന്തപുരം: പാലക്കാട് ആര്‍എസ്എസ് പ്രവര്‍ത്തകന്‍ ശ്രീനിവാസനെ കൊലപ്പെടുത്തിയ കേസില്‍ തീവ്രവാദബന്ധമുണ്ടെന്ന് എന്‍ഐഎ റിപ്പോര്‍ട്ട്. അതുകൊണ്ട് തന്നെ ഈ കേസന്വേഷണം എന്‍ഐഎ ഏറ്റെടുത്തേക്കും.
കേന്ദ്ര ആഭ്യന്തരമന്ത്രാലയത്തിന് കൈമാറിയ റിപ്പോര്‍ട്ടിലാണ് ഇത് സംബന്ധിച്ചുള്ള സൂചനകള്‍ നല‍്കുന്നത്. പോപ്പുലര്‍ ഫ്രണ്ട് റെയ്ഡില്‍ അറസ്റ്റിലായ സംസ്ഥാന സെക്രട്ടറി സി.എ. റൗഫ്, യഹിയ കോയ തങ്ങള്‍ എന്നിവര്‍ക്ക് ശ്രീനിവാസന്‍ വധത്തില്‍ പരോക്ഷ ബന്ധമുണ്ടെന്നും റിപ്പോര്‍ട്ടില്‍ പറയുന്നു. ഇക്കാര്യം കേരള പൊലീസും നേരത്തെ വ്യക്തമാക്കിയിരുന്നു.
ഗൂഡാലോചന, പ്രതികളെ ഒളിപ്പിക്കല്‍ എന്നിവയിലാണ് റൗഫിന്റെ സഹായമുണ്ടെന്ന് പറയപ്പെടുന്നു. എന്തായാലും എന്‍ഐഎ കേസന്വേഷണത്തിന്റെ ഭാഗമായേക്കുമെന്ന സൂചന ശക്തമാണ്.
പ്രതികരിക്കാൻ ഇവിടെ എഴുതുക: