കണ്ണൂര് : കണ്ണൂരില് സ്കൂള് വിദ്യാര്ത്ഥികള് സഞ്ചരിച്ചിരുന്ന വാഹനം അപകടത്തില്പ്പെട്ട് 30 പേര്ക്ക് പരിക്ക്. ശ്രീകണ്ഠാപുരം വയക്കര ഗവ. യുപി സ്കൂളിന്റെ വാനാണ് അപകടത്തില്പ്പെട്ടത്. ബുധനാഴ്ച രാവിലെ 9.45നാണ് അപകടം സംഭവിച്ചത്.
ശ്രീകണ്ഠാപുരം – ഇരട്ടി സംസ്ഥാനപാതയില് കണിയാര് വയലിനും ഇരുക്കൂറിനും ഇടയിലാണ് അപകടമുണ്ടായത്. കുട്ടികളുമായി വന്ന ടെംപോ ട്രാവല്ലര് കയറ്റം വാങ്ങുന്നതിനിടെ നിയന്ത്രണംവിട്ട് മറിയുകയായിരുന്നു. വാഹനത്തില് 34 കുട്ടികളാണ് ഉണ്ടായിരുന്നത്. പരിക്കേറ്റവരുടെ നില ഗുരുതരമല്ല. പരിക്കേറ്റവരെ ഉടന് ആശുപത്രിയിലെത്തിച്ചശേഷം വിട്ടയച്ചു. സംഭവത്തില് പോലീസ് പ്രാഥമികാന്വേഷണം നടത്തി.
