ന്യൂദല്‍ഹി: ഇക്വറ്റോറിയല്‍ ഗിനിയയിലെ നാവികസേന തടവിലാക്കിയ എംടി ഹിറോയിക് ഇഡുന്‍ കപ്പലിലെ ജോലിക്കാരായ ഇന്ത്യക്കാര്‍ക്ക് ഭക്ഷണവും വെള്ളവുമെത്തിച്ച് ഇന്ത്യന്‍ എംബസി. കപ്പലില്‍ തടവുകാരാക്കി പൂട്ടിയിട്ട ഇവരെ ഇന്ത്യന്‍ എംബസിയും വിദേശമന്ത്രാലയവും നൈജീരിയയ്‌ക്ക് ഇവരെ കൈമാറുന്നത് തടഞ്ഞിരുന്നു.
മലയാളി ഓഫീസര്‍ സനു ജോസ് ഉള്‍പ്പെടെയുള്ള 16 ജിവനക്കാരെയും നൈജീരിയയ്‌ക്ക് കൈമാറുന്നത് തടഞ്ഞ കേന്ദ്രസര്‍ക്കാര്‍ സനു ജോസിനെ വീണ്ടും എംടി ഹിറോയിക് ഇഡുന്‍ കപ്പലിലേക്ക് തന്നെ തിരിച്ചെത്തിച്ചിരുന്നു. കപ്പലില്‍ തടവുകാരായി വെച്ചിരുന്ന 15 ഇന്ത്യക്കാരെയും പഴയതുപോലെ ഹോട്ടലിലേക്ക് മാറ്റിത്താമസിപ്പിച്ചതായി ഇതിലെ ഒരു നാവകനായ മില്‍ട്ടന്റെ ഭാര്യ ശീതള്‍ നേരത്തെ അറിയിച്ചിരുന്നു. എന്നാല്‍ ഇവര്‍ ഇപ്പോള്‍ ഉള്ളത് മാലബോയിലെ ഒരു തടങ്കല്‍ കേന്ദ്രത്തിലാണ് . ഇവിടേക്കാണ് ഇന്ത്യന്‍ എംബസി ഭക്ഷണവും വെള്ളവും എത്തിച്ചത്. നേരത്തെ ഭക്ഷണവും വെള്ളവും കിട്ടുന്നില്ലെന്ന് അറിയിച്ച് ഇവര്‍ സമൂഹമാധ്യമങ്ങളിലൂടെയും വീഡിയോ കോളുകളിലൂടെയും ഇവരുടെ ദുരിതം അറിയിച്ചിരുന്നു. ഇതോടെയാണ് ഇവര്‍ക്ക് സമൃദ്ധിയായി ഭക്ഷണവും വെള്ളവും എത്തിച്ച് ഇന്ത്യന്‍ എംബസി വീണ്ടും കയ്യടി നേടിയത്.
ആഗസ്ത് പകുതി മുതല്‍ 16 ഇന്ത്യക്കാര്‍ ഉള്‍പ്പെടെ 26 പേര്‍ ഇക്വറ്റോറിയല്‍ ഗിനിയയുടെ കപ്പലില്‍ തടവിലായിരുന്നു. അതിര്‍ത്തി ലംഘിച്ച് കപ്പലോടിച്ചതിന് ശിക്ഷയായാണ് അറസ്റ്റും തടവും. കേന്ദ്രസര്‍ക്കാര്‍ ഉടന്‍ ഇടപെട്ട് ഉദ്യോഗസ്ഥരുടെ മോചിപ്പിക്കണമെന്ന് ആവശ്യപ്പെട്ട് പിണറായി വിജയന്‍ കേന്ദ്ര വിദേശകാര്യമന്ത്രാലയത്തിന് കത്തയച്ചിരുന്നു.
കപ്പല്‍ എണ്ണ മോഷ്ടിക്കാന്‍ വരുന്നതാണെന്ന സംശയത്തിലാണ് ഗിനിയ നേവി ഈ കപ്പല്‍ ജീവനക്കാരെ തടവുകരായി പിടിച്ചത്. കപ്പല്‍ അന്താരാഷ്‌ട്ര അതിര്‍ത്തി ലംഘിച്ച് സഞ്ചരിച്ചതായും പറയുന്നു.
പ്രതികരിക്കാൻ ഇവിടെ എഴുതുക: