തിരുവനന്തപുരം : സര്‍വ്വകലാശാലകളിലെ ചട്ട വിരുദ്ധ നിയമനങ്ങള്‍ക്കെതിരെ നടപടി ശക്തമാക്കിയതോടെ ഗവര്‍ണര്‍ ആരിഫ് മുഹമ്മദ് ഖാനെതിരെ ലഘുലേഖകളുമായി വീടുവീടാന്തരം കയറി ഇറങ്ങി ഇടതുപക്ഷം. ആര്‍എസ്എസിന്റെ ചട്ടുകമായ ഗവര്‍ണറുടെ നടപടികള ചെറുത്ത് തോല്‍പ്പിക്കണമെന്നാണ് ലഘു ലേഖയില്‍ പറയുന്നത്.
ഗവര്‍ണര്‍ക്ക് ഭരണഘടനയെ കുറിച്ച് അടിസ്ഥാന ധരണപോലുമില്ല. ധനമന്ത്രിയെ പുറത്താക്കണമെന്ന് പറഞ്ഞത് പോലും ഇതിന്റെ ഭാഗമാണ്. ഗവര്‍ണറുടെ നീക്കങ്ങള്‍ സംഘപരിവാര്‍ അജണ്ടയുടെ ഭാഗമാണ്. ഇതിനെ ജനങ്ങള്‍ ചെറുത്ത് തോല്‍പ്പിക്കണമെന്നും ലഘുലേഖയില്‍ ആവശ്യപ്പെടുന്നുണ്ട്. ഉന്നത വിദ്യാഭ്യാസ സംരക്ഷണ സമിതിയുടെ പേരിലാണ് ലഘുലേഖ പുറത്തിറക്കിയിരിക്കുന്നത്.
പ്രതികരിക്കാൻ ഇവിടെ എഴുതുക: