മലപ്പുറത്ത് രണ്ട് പെണ്‍മക്കളെ കൊന്ന് അമ്മ ആത്മഹത്യ ചെയ്തു; 26കാരി കൊലപ്പെടുത്തിയത് നാലും ഒന്നും വയസുള്ള കുരുന്നുകളെ

മലപ്പുറം: രണ്ട് പെണ്‍മക്കളെ കൊന്ന് അമ്മ ആത്മഹത്യ ചെയ്തു. മലപ്പുറം കോട്ടയ്‌ക്കലിലെ ചെട്ടിയാം കിണറില്‍ ഇന്ന് രാവിലെ അഞ്ചരയോടെയാണ് സംഭവം. സഫ്‌വ(26), മക്കളായ ഫാത്തിമ സീന(4), മറിയം(1) എന്നിവരാണ് മരിച്ചത്. സഫ്‌വയെ കിടപ്പുമുറിയില്‍ തൂങ്ങിമരിച്ച നിലയിലാണ് കണ്ടെത്തിയത്.

വ്യാഴാഴ്ച പുലർച്ചെയാണ് സംഭവം. ഭര്‍ത്താവ് റഷീദലിയാണ് മൂന്നുപേരും മരിച്ച വിവരം നാട്ടുകാരെ അറിയിച്ചത്. സംഭവത്തിന്റെ കാരണമെന്താണെന്ന് വ്യക്തമായിട്ടില്ല. പോലീസ് കൂടുതല്‍ കാര്യങ്ങള്‍ അന്വേഷിച്ച്‌ വരികയാണ്. മൃതദേഹങ്ങള്‍ കോട്ടയ്‌ക്കലിലെ സ്വകാര്യ ആശുപത്രിയിലേക്ക് മാറ്റി.