ഇടുക്കി : മരിക്കാന് പോവുകയാണെന്ന് ഭാര്യയെ വീഡിയോ കോളില് വിളിച്ച് അറിയിച്ച ശേഷം യുവാവ് ആത്മഹത്യ ചെയ്തു. തിങ്കളാഴ്ച വൈകിട്ട് കട്ടപ്പന സ്വദേശി കുന്നേല് ജെയ്സണാണ്(25) ആത്മഹത്യ ചെയ്ത്. തൊടുപുഴ ജില്ലാ വിദ്യാഭ്യാസ ഓഫീസിന് സമീപത്തെ ഡയറ്റ് ക്വാര്ട്ടേഴ്സില് വെച്ച് ഇയാള് ആത്മഹത്യ ചെയ്യുകയായിരുന്നു.
ജെയ്സണിന്റെ അമ്മ ഡയറ്റിലെ ജീവനക്കാരിയാണ്. ഇയാളുടെ ഭാര്യ തിരുവനന്തപുരത്തെ വീട്ടിലായതിനാല് ക്വാര്ട്ടേഴിസില് ജെയ്സണ് തനിച്ചായിരുന്നു. വൈകിട്ടോടെ താന് ആത്മഹത്യ ചെയ്യാന് പോവുകയാണെന്ന് ഭാര്യയെ വീഡിയോ കോള് വിളിച്ച് ഇയാള് അറിയിച്ചശേഷം തൂങ്ങി മരിക്കുകയായിരുന്നു.
പരിഭ്രാന്തയായ ഭാര്യ ജെയ്സണിന്റെ സുഹൃത്തുക്കളെ വിളിച്ച് അറിയിക്കുകയും അവര് തൊടുപുഴ എസ്.ഐ. ബൈജു പി.ബാബുവിനെ വിളിച്ച് സഹായം അഭ്യര്ത്ഥിച്ചു. പോലീസ് സംഘവും അഗ്നിരക്ഷാസേനയും ക്വാര്ട്ടേഴ്സില് എത്തിയപ്പോള് ജയ്സണ് തൂങ്ങിയ നിലയിലായിരുന്നു. തുടര്ന്ന് കെട്ടഴിച്ച് അഗ്നിരക്ഷാസേനാ ആംബുലന്സില് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം ജില്ലാ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
