തിരുവനന്തപുരം: സ്വപ്ന സുരേഷ് നടത്തിയ ലൈംഗികാരോപണം നിഷേധിച്ച് മുന് മന്ത്രി കടകംപള്ളി സുരേന്ദ്രന്. മൂന്ന് വര്ഷത്തിനിടയില് ഒരിക്കല് പോലും പറയാതെ ആക്ഷേപം ഇപ്പോള് ബോധപൂര്വം ഉയര്ത്തുകയാണ്. കഠിനമായ യാതനകള് അനുഭവിച്ച സ്ത്രീയാണ് സ്വപ്ന. അതിനാല് കൂടുതല് പറയുന്നില്ല. സ്വപ്നയുടെ പുസ്തകത്തിലെ ആരോപണം തന്റെ പേരിലേക്ക് എത്തിക്കാന് അഭിമുഖത്തിനിടയില് ശ്രമമുണ്ടായി. സ്വപ്നയെ കൊണ്ട് തന്റെ പേര് പറയിപ്പിക്കാന് ശ്രമിച്ചു. ഇത് ഗൂഢാലോചനയുടെ ഭാഗമാണ്.
സ്വപ്നയുടെ വീട്ടില് പോയിട്ടുണ്ട്. അത് ഒരു ചടങ്ങിനിടെ സംഘാടകര് നിര്ബന്ധിച്ചപ്പോഴാണ്. പോയത് ഒറ്റയ്ക്കല്ല, സംഘാടകരും ഒപ്പമുണ്ടായിരുന്നു. വീട്ടില്നിന്ന് ചായ കുടിച്ചു പത്തു മിനിറ്റിനുള്ളില് മടങ്ങി. ഫോട്ടോയെടുത്തപ്പോള് തോളില് കൈയിട്ടെന്ന ആരോപണം അസത്യമാണ്. ഫോട്ടോ കൈവശമുണ്ടെങ്കില് സ്വപ്ന പുറത്തുവിടണം. സഹോദരനെ കള്ളക്കേസില് കുടുക്കിയെന്ന ആരോപണം ശരിയല്ല. ആത്മകഥയുടെ പേരുപോലെ സ്വപ്ന പത്മവ്യൂഹത്തില്പ്പെട്ടിരിക്കയാണ്. ബിജെപിയുടെയും കോണ്ഗ്രസിന്റെയും പത്മവ്യൂഹത്തിലാണ് അവര്. ആരോപണങ്ങളില് നിയമനടപടി പാര്ട്ടിയുമായി അലോചിച്ച് തീരുമാനിക്കുമെന്നും കടകംപള്ളി മാധ്യമങ്ങളോടു പറഞ്ഞു.
